augmenta dolorum diu lamentabilis euentus emersit, quod totum ecclesie ipsius edificium, mira quondam sanctorum Regum (prodigalitate) tabulat(e) constructum, cum tota Ciuitate albensi horrendis incendijs est consumptum, adeo quod et libri, officiandis sen celebrandis diuinis sacramentis sumptuose conscripti et non pauca auri rutilantis et gemmarum preciosarum fulgore contexta, non parum artificiosis operibus ornamenta, consimilibus, uix vnquam in vngaria uisis uel auditis, ardoribus sunt consumpta Quarum causarum vniuersis regnicolis palam patens necessitas, magistri Gregorij, ipsius albensis ecclesie tesaurarij, nobilitate generosi sanguinis et preeminencia sciencie sacrorum presertim canonum presigniti, urgentissimis dolorum aculeis penetracula cordis pulsat. Nam cum magistro Theodoro viro venerabili, predicte ecclesie paulo ante preposito, translato in Jauriensis ecclesie pontificem et prelatum, omnium de albensi Capitulo pari concordia et unanimi uoluntate concurrente consensu in ipsius magistri Gregorij personam, nullo dissenciente, nulloque clam uel publice refragante, uota seu desideria, ualde canonice conuenissent, eligendo eundem magistrum Gregorium in albensis ecclesie prepositum et pastorem, propter suam et ipsius ecclesie (?) prelibatis causis uix credibilem et non leuiter estimabilem paupertatem, iuxta specialiter editas sanctorum predecessorum uestrorum de accedendo ad curiam nouissimas sancciones idem in (?) ad sacram procedendo curiam uestreque uisendi cum desiderio summe beatitudinis mayestatem fratrumque uestrorum beatissimo ... assistencium lateri, venerabilis videlicet cetus Cardinalium affectato, personam suam in offerendo conspectui desiderio suo satisfacere nulla preualet racione. Quibusdam presertim potentibus suis consanguineis cum dampnabili ambicione per uiolentam impressionem (?) de prefata prepositura prouideri (?) procurantibus et ob hanc causam promocioni prefati magistri Gregorij sue contrarie uoluntati plurimum inuidentibus et ut ipsius electi processum prepedire ualeant pretendentibus uiarum insidias capciosas; propter quod vnacum ipso et pro ipso humiles porrigo beatitudini uestre preces, flagitans suppliciter et deuote, quod prefate ecclesie uestre albensis calamitatibus et prefati Electi cunctis note regnicolis egestati paternali compassione pie condescendentes, ipsius quoad presens habere dignemini absenciam excusatam, Eleccionem de eo per albense Capitulum rite et legitime celebratam, misericorditer confirmantes. Ipse enim prefatorum impedimentorum remotis obstaculis, que filij et famuli uestri, domini A. Regis Hungarie sollicita deuocione et deuota sollicitudine mediante non post multa rerum molimina remouenda sperantur, beatitudinis uestre conspectui, rerum statu, ut iam speratur, deo propicio in meliora conuerso, ueris anelat et aspirat affectibus sanctitatis uestre presentie personaliter se offerre. Ipsius amministrationem per uestre confirmacionis misericordiam sibi et in ipsius persona prefate ecclesie albensi medio tempore clementer indulta, ut propter

---