iurium ecclesiasticorum in se recipere diuinam ulcionem, vosque dicamini tributum et villam Monasterij sancti Mauricij de Beel detinere in anime vestre periculum et grauamen; Amiciciam nobilitatis vestre duximus presentibus requierendam, quatenus predictum tributum dicti Monasterij de Beel et villam Warasnul vocatam permittatis Abbati eiusdem Monasterij pacifice possidere et quiete, ut exinde spiritualiter et temporaliter mercedem a Domino, cui in predicto Monasterio cotidie iugiter famulatur, consequi valeatis; mandare eciam velitis magistro Gregorio, filio vestro, vt et ipse possessiones dicti Monasterij occupatas remittat Abbati eiusdem Monasterij possidendas, cum per Dei graciam possessionibus et redditibus non indigeatis domorum sacratarum. Datum Strigonij quarto die post festum Assumpcionis beate virginis.
In parte aversa: Amico suo magistro J(ohanni) filio (Herrici) Bani. - E transsumpto Conventus Montis Pannoniae a. 1353. In archivo eiusdem Conventus Capsa 55. O.
444.
.... 8. Oct. - Lodomerius Abbatem de Bakonybel ad producenda privilegia sua stringit.
Lodomerius, miseracione diuina Strigon. ecclesie archiepiscopus, eiusdemque loci Comes perpetuus, Dilecto in xpo. filio, Abbati de Beel, salutem et benediccionem paternam. Jobagiones Monasterij de Beel nobis significauerunt querulando, quod tu ipsos in libertatibus eorum, in priuilegijs sanctorum Regum Stephani et Ladislai contentis, non seruares; ymo ultra libertatem eorum aggrauares. Quare deuocioni tue sub pena excommunicacionis precipimus, quatenus predicta priuilegia vel rescripta eorumdem sub aliquo autentico sigillo, in octauis omnium sanctorum (8. Nov.) nobis portes. Datum in Owar tercio die octauarum sancti Michaelis Archangeli.
E transsumpto Conventus Montis Pannoniae a. 1353. In Arch. eiusdem Conventus Capsa 55. O.
445.
.... 15. Dec. - Lodomerius Archiepiscopus Strigon. Michaelem Abbatem Csanadiensem Comiti Thomae de Bereky commendat.
Lodomerius - - viro nobili et honesto, amico suo karissimo, comiti Thome de Bereky benediccionem et dileccionem paternam. De bonitate vestra, que

---