VII.
MAGISTER GREGORIUS DE GENERE KATPÁN. ELECTUS.
1298. Febr. - 1303. 7. Sept.
Benedictus PP. XI. Electum hunc a. 1303. Gregorium Bodod dictum et ecclesiae Strigon. Canonicum fuisse testatur. (Nr. 572.) Assertio haec ad prosapiam Gregorii eruendam nos secure deducit. In literis Andreae III. Regis a. 1294. inter Canonicos Strigon. recensetur "magister Gregorius, frater Comitis Cecney, de genere Katupan" (Nr. 358.) Anno autem 1297. idem Andreas Rex testatur, "quod magister Nicolaus Comes Jauriensis, quandam piscinam magistri Gregorii Canonici Strigon., filii Comitis Andree et magistri Georgii, filii Comitis Cene, fratris eiusdem, Lugur vocatam, super fluuio Duduag existentem, restituit eisdem magistris Gregorio et Georgio, fratri eiusdem, tanquam ius

---