A tergo fragmentum sigilli appressi. Orig. in Arch. Cap. Strig. priv. Lad. 70. fasc. 1. Nro. 3. - Edidit Fejér Cod. dipl. VI. II. pag. 127. - Confer Nrum. 459.
458.
1298. 3. Nov. - Thomas Praepositus et Capitulum Strigon. Benedictum Episcopum Vesprimiensem in facie terrae Korova in termino non comparuisse testatur. - Datum tertio die post festum Omnium Sanctorum.
Wenzel Cod. Arp. X. 311.
459.
1298. 26. Nov. - Andreas III. Praeposituram Dömösiensem in piscatura per hospites de Maros molestari prohibet.
Andreas, dei gracia Rex Hungarie, fidelibus suis villico et vniuersis hospitibus de Morus salutem et graciam. Dicunt nobis prepositus et Capitulum ecclesie nostre Dymisiensis, quod vos eosdem a piscatura ipsorum, que uulgariter Thona dicitur, prohibuissetis indebite et iniuste. Vnde cum nos eandem piscaturam ab Insula Leustachij usque ad Ipulthu, videlicet totum fluuium Danubij, prout in priuilegio domini andree Regis, aui nostri, clare recordacionis, vidimus contineri, simul cum vsonibus et alijs pisscibus eidem ecclesie nostre, illam medietatam, quam vobis contuleramus, auferendo a vobis[511], reddiderimus pleno iure; fidelitati vestre precipimus firmiter et districte, quatenus dictos prepositum et Capitulum occasione eiusdem piscacionis non presumatis in aliquo molestare; alioquin dedimus auctoritatem Castellanis nostris de Wysegrad conpesscendi vos ab id (sic) cum vestro grauamine atque dampno. Datum Bude in crastino beate katerine virginis, anno domini M°. CC. Nonagesimo Octauo.
Sigillum exteriori margini fuit appressum. Orig. in Arch. Cap. Strigon. priv. Lad. 70. fasc. 1. Nro. 2.
[511] Nempe hoc anno 15. Aug. Vide Nrum 457.
Első
