460.
1298. Jul.-Dec. - Andreas III. Rex magistrum Stephanum, filium Erney bani de genere Akus, Judicem Curiae suae in gratiam et protectionem Regiam iureiurando recipit, ita quidem, ut si hanc promissionem violaverit "et euidencia veritatis de prefatorum transgressione venerabilibus patribus Strigoniensis, dum eam dominus ex alto prospexerit, et Colocensis ecclesiarum archiepiscopis constiterit," illum excommunicare possint. Contra Stephanus praefatus sub eadem cautione perpetuam fidelitatem iurat. - Datum Regni anno nono.
Cod. dipl. patr. VI. 434.
461.
1298. - Nicolaus Literatus, Magister et Conventus Cruciferorum Strigon. Comitem Jacobum de genere Kaplion possessionem Mur Comiti Petro locasse testantur.
Fejér Cod. dipl. VII. III. 112.
462.
1299. 28. Jan. - Bonifacius PP. VIII. Gregorium Praepositum Albensem procuratorem ecclesiae Strigon. constituit.
Bonifacius - - Gregorio[512] Electo Strigon. - Preteritorum exhibitio temporum ad memoriam revocata demonstrat, quod nobile Regnum Ungarie, valdeque diffusum, multa plebium generositate refertum, - - quasi optima terra fructus optimos protulit. - - Habuit enim ipsum regnum viros scientie eminentis in clero, laicos robustos in bellicis, devotionem ad apostolicam sedem in populis, fuit circumpositis Regnis in speculum, multa virtutum numerositate dotatum. Sed proh dolor! dum in presenciarum regnum ipsum respicimus et miserabilem statum eius, - - movemur ad lacrimas, ad querenda remedia stimulamur et surgere cogimur ad providendum. - - - Expediens fore videmus, quod Strigon. ecclesia, que sue nunc viduitatis dampna deplorat, gubernatorem habeat et rectorem, per quem sibi spiritualiter et temporaliter provideatur salubriter, ac regnum ipsum dirigatur in melius, et in fide ac devotione sedis memorate servetur; adeoque ut habet fide digna relatio, tu, qui in Albensis

---

[512] Theiner erronee Georgio.