stabilitatis incrementum, presentes concessimus litteras, sigilli nostri munimine roboratas et per medium Alphabeti intercisas. Datum quarto kalendas Aprilis, Anno domini Millesimo Trecentesimo, magistro Farkasio lectore ecclesie nostre existente.
A. B. C.
Sigillum integrum e rubro et viridi serico pendet. Orig. in Arch. Cap. Poson. priv. Capsa C. fasc. 11. Nr. 122. - Ed. Fejér Cod. dipl. VII. II. 202. et Wenzel Cod. Arp. XII. 658.
499.
1300. 31. Mart. - Andreas Rex transscribit Nrum. 495.
Andreas, dei gracia Hungarie, (Dalmacie,) Croacie, Rame, Seruie, Gallicie, Lodomerie, Cumanie, Bulgarieque rex, Omnibus xpi. fidelibus, presens scriptum inspecturis, Salutem in omnium saluatore. Ad vniuersorum noticiam harum serie volumus fieri manifestum, Quod magister Endre, filius Comitis Walterij, Ciuis de Castro Budensi, ad nostram personaliter accedens presenciam, exhibuit nobis Priuilegium Comitis Stephani, vice Judicis Curie nostre, super facto Pallacij sui, in Ciuitate Strigon. prope locum fori a parte Septemtrionis circa Danubium existens, confectum, Petens a nostra maiestate humiliter supplicando, vt ipsum Priuilegium ratum habere et nostro de benigtate Regia dignaremur Priuilegio confirmare. Cuius quidem Priuilegij tenor talis est:
Sequitur Nrus. 495.
Nos itaque peticionem eiusdem magistri Endre videntes esse Juri consonam et consentaneam racioni in hac parte, predictum Priuilegium, non cancellatum, non abrasum, non comminatum (sic) nec in aliqua sui parte viciatum, ratum, gratum habentes et acceptum, de uerbo ad uerbum presentibus inseri fecimus et auctoritate presencium duximus confirmandum, Dupplicis Sigilli nostri munimine roborando. Datum per manus Discreti viri, magistri Stephani, archidiaconi Albensis ecclesie Transsiluane, aule nostre vicecancellarij, Dilecti et fidelis nostri, Pridie kalendas Aprilis, anno domini M°. C°C°C°. Regni autem nostri anno decimo.
E Nro. 500. - Ed. Fejér Cod. dipl. VII. V. 549.

---