sorores et fratres eiusdem pro se et pro fratribus suis firmiter et sollempniter assumpserunt, eundem magistrum Zoard et suos posteros in perpetua possessione predicte particule terre conseruare et ab omnibus impetitoribus et molestare uolentibus expedire suis laboribus et expensis. In cuius rei memoriam et perpetuam firmitatem ad peticionem et instanciam parcium predictarum presentes concessimus, sigilli nostri munimine roboratas. Datum In festo ad uincula sancti Petri. Anno domini M°. CC°C. tercio.
Sigillum ex albo, rubro et caeruleo serico pendebat. Orig. eleganter exaratum in Arch. Aerarii Reg. Kung. Acta Neoreg. fasc. 1534. Nr. 12. - Ed. Nagy Cod. Andegav. 1. 59.
568.
1303. 1. Sept. - Capitulum. Poson. Joannem et Andream de Jóka super dote dominae Meze, Benedicto satisfecisse testatur.
Vniuersus Xi. fidelibus, presentes litteras inspecturis, Capitulum ecclesie Poson. salutem in domino sempiternam. Ad vniuersorum noticiam tenore presencium uolumus peruenire, quod constituti personaliter coram nobis Benedictus, filius Karachini, pro se et po Elizabeth paruula filia sororis sue, domina Elizabeth relicta Johannis filij Scerechen, ex una parte; Johannes filius Mortunus de Ilka pro se et pro Andrea fratre suo et Luca filio Wluend (?) ex altera, sunt confessi, quod licet mota fuerit materia questionis inter ipsos super dote et dotalicijs domine Meze sororis eiusdem Benedicti, uxoris Scerechen, ac pro quarta filie eiusdem domine et diu fuissent alterquati (sic); ad ultimum tamen propter bonum pacis ad talem concordiam deuenerunt, quod idem Johannes et Andreas eisdem Benedicto et domine Elizabet relicte Johannis pro dote et dotalicijs predicte domine, ac racione quarte filie sue soluissent quatuor marcas et sic eundem Joannem et Andream et cognatos suos de dicta dote et quarta parte reddiderunt ijdem Benedictus et domina Elizabet omnino liberos et expeditos; obligantes se, quod quicunque processu temporum eundem Johanem et andream, uel cognatos suos racione dotis, uel quarte predicte uellet impetere, uel uexare; extunc ijdem Benedictus et domina Elizabet tenebuntur eosdem Johannem et Andream expedire proprijs laboribus et expensis. In cuius rei memoriam nostras concessimus[526], sigilli nostri munimine roboratas. Datum in festo sancti Egidij confessoris, Anno domini M°. trecentesimo tercio.
A. B.
Sigillum e rubro et viridi serico pendet. Orig. evanidum in Arch. Cap. Poson. publ. Capsa 14. fasc. 9. Nr. 10.

---

[526] Emansit: litteras.