argenti plenarie coram nobis et maxime propter Deum, ac pro remedio anime Marcelli, patris eiusdem domine, eundem Bok et suos successores manu misissent et tradidissent inreuocabiliter perpetue libertati; obligando se, quod quicunque processu temporum eundem Bok, uel suos successores ratione pristine condicionis uellet forsitan impetre (sic) uel uexare: extunc idem thomas, domina Catha vxor sua et filij sui prenominati tenebuntur eudem (sic) Bok et suos successores defendere et expedire proprijs laboribus et expensis. In cuius rei memoriam nostras dedimus litteras, Sjygilli nostri munimine roboratas. Datum in uigilia sanctorum Simonis et Jude apostolorum. Anno domini M°.C°C°C°. tercio.
Sigillum e rubro et viridi serico pendet. Orig in Arch. Cap. Poson. publ. Capsa 14. fasc. 23. Nr. 26.
571.
1303. 28. Oct. - Capitulum Poson. filios Jákó de Szász quatuor iugera terrarum Buhtus de Légh dedisse testatur.
A. B.
Vniuersis xpi. fidelibus, presentes litteras inspecturis, Capitulum ecclesie Poson. salutem in Domino sempiternam. Ad vniuersorum noticiam tenore presencium uolumus peruenire, quod constitutis personaliter coram nobis Stephano et Chuntus, filijs Jako de Zaz, ex vna parte; Buhtus, filio Buhta de Leeg, ex altera; ijdem Stephanus et Chuntus sunt confessi, quod ipse de terra sua emticia quatuor iugera terrarum , duo iugera ad inuicem , que vadunt de Humurv et tendunt ad uiam, que ducit Gellam, et duo iugera a parte uille super chistofeu sita, eidem Buhtus vendissent, dedissent et racione consanguinitatis donassent in filios filiorum inrevocabiliter iure perpetuo possidenda et habenda; obligando se, quod quicunque processu temporum eundem Buhtus, uel suos successores racione predictorum quatuor iugerum uellet forsitan uexare, uel turbare; extunc idem Stephanus et Chuntus tenebuntur eundem Buhtus et suos successores expedire proprijs suis laboribus et expensis. In cuius rei memoriam nostras dedimus litteras, Sygilli nostri munimine roboratas. Datum in die apostolorum Symonis et Jude, Anno domini M°. C°C°C°. tercio.
Sigillum e rubro et flavo serico pendebat. Orig. in Arch. Cap. Poson. publ. Capsa 14. fasc. 11. Nr. 9.

---