572.
1303. 4. Nov. - Benedictus PP. XI. Michaelem Episcopum Zagrabiensem ad sedem Strigon. transfert.
Benedictus - - Michaeli Episcopo quondam Zagrabiensi, in Archiepiscopum Strigon. electo. - - - Olim Strigon. ecclesia per obitum bone memorie Lodomerii Strigon. Archiepiscopi pastoris solacio destituta, - - capitulum eiusdem ecclesie pro futuri substitutione pastoris, prout moris esse dinoscitur, convenientes in unum, quondam Gregorium dictum Bodod[564], tunc ecclesie predicte canonicum, in - - Archiepiscopum elegerunt, et tandem huius electionis negotio per appellationem quorundam de dicto capitulo, qui se electioni predicte opponere curaverunt, ad apostolicam sedem legitime devoluto et procuratoribus partium praesentibus apud eandem - - , Bonifacius papa octavus, predecessor noster, ex certis causis inductus prefati prosecutionem negotii - - suspendens, memoratum Gregorium usque ad beneplacitum dicte sedis, eiusdem ecclesie procuratorem constituit, curam et administrationem ipsius sibi spiritualiter et temporaliter committendo. Cumque prelibatus Gregorius post receptionem procurationis huiusmodi in illis partibus constitutus, ad prefatam sedem, vivente adhuc predecessore predicto, pro nonnullis expediendis negotiis accessisset, ibique moram contraheret, debitum nature persolvit. Nos autem post eiusdem predecessoris obitum ad universalis ecclesie regimen evocati, - - de statu iamdicte ecclesie Strigon. cepimus cogitare sollicite ad diversos et varios nostre mentis aciem extendentes, ut eidem ecclesie, mulle utique nobilitatis titulo decorate, possemus de viro iuxta cor nostrum idoneo, providere: ac demum - - ad personamtuam oculos nostros convertimus et in te consideratio nostra resedit, cum, sicut fide digna profitetur assertio, nobisque hactenus in minori officio constitutis et in illis partibus legatione fungentibus, facti evidentia patefecit, in te nobilitas generis, litterarum scientia, elegantia morum, vite mundicia, conversationis honestas, discretionis industria, aliarum virtutem insignia, eluscescant. - Itaque - - te - - a vinculo, quo Zagrabiensi ecclesie tenebaris adstrictus, absolvimus et ad, ecclesiam Strigon. transferimus. - - Datum Laterani II. Nonas Novembris, anno primo.
Idem eodem die Capitulo, clero, populo, vasallis et Suffrageneis notificat, et Electum Carolo Regi commendat.
Theiner Mon. Hung. I. 406. 407.

---

[564] Rectius, ut pag. 435. vidimus, filium Bodod.