577.
1304. 31. Jan. - Conventus de Thurocz Ladislaum filium Mese, fratri suo Ivan et sororio suo Isip mediam partem terrae Moecha cessisse testatur.
Vniuersis xpi. fidelibus, presens scriptum intuentibus, Iwanka diuina miseracione Prepositus et Conuentus ecclesie beate virginis Thuruch Salutem in domino sempiternam. Cum modernorum actus et tractatus nebula ignorancie et longo processu temporis deliteant, nisi perhempni scripto conseruentur; Proinde quitquid nostro geritur in tempore, firmiter consueuimus roborare. Hinc est, quod ad vniuersorum noticiam, tam presencium, quam futurorum, harum serie volumus peruenire, Quod Ladislaus filius Mese de prouincia lypto, ex vna parte; Ian filius eiusdem Mese et Isyp sororius eorumdem, ex altera, in nostra personaliter constituti presencia, in hunc modum proponentes (sic) Quod supradictus Ladislaus filius Mese confessus est, se mediam partem terre Moecha vocate, quam idem Ladislaus aput Zolthan filium Schoya sua propria pecunia comparauerat, cum omnibus vtilitatibus, silua, pratis, edificijs, Molendino, sub metis, in prioribus literis nostris expressis, Iwan (sic) fratri suo et Isyp sororio eorumdem dedisse et resignasse et per eosdem eorum heredibus, heredumque successoribus Iure perpetuo et irreuocabiliter possidendam et mediam partem pecunie sub estimacione, qua idem ladislaus memoratam terram aput Zolthan filium Schoya emerat, Iwan et Isyp supradicti Ladislao filio Mese persoluerunt. Adicimus eciam, quod Bysterche, que emanat ex parte Schernev, priorem terram Ladislai filij Mese et terram a Zolthan emptam, diuidit et distingit. Vt autem huius rei accio siue ordinacio firmum, ac stabile robur obtinere valeat perpetue firmitatis, nec per quem piam in posterum, aut processu temporis in irritum valeat reuocari; ad instanciam et preces vtrarumque parcium presentes litteras dedimus et contulimus, munimine nostri sigilli roboratas. Datum et actum proxima feria sexta ante Purificacionem beate virginis. Anno domini Millesimo CCCmo. quarto.
E transsumpto Ladislai Ducis Opuliae et Palatini a. 1371. in collectione Em. Joannis Cardinalis Simor.
578.
1304. 4. Febr. - Benedictus PP. XI. Michaeli Electo Strigon. committit, vt cum Beda presbytero, Canonico ecclesiae s. Nicolai. de Alba Regali, qui "licet quondam G. Electus Strigon., tunc administrator ecclesie Albensis, per sedem apostolicam deputatus, ex certis causis Civitatem Albensem supposuit ecclesiastico interdicto; tamen eodem interdicto durante, in ecclesia sancti

---