Praeposituram hanc adeptus est. Magistro Paulo, qui a. 1284. Canonicus Strigon. et Praepositus Vesprimiensis (Nr. 158. 193. pag. 179. 217.) ab anno autem 1287. Praepositus Maior Strigon. et Administrator Episcopatus Quinqueecclesiensis (Nr. 204. pag. 225.) erat, anno tandem 1293. aut 1294. (Praepositus Maior enim die 1. Febr. 1293. ultima vice scribitur. Nr. 339. pag. 339.) Episcopatum hunc pleno iure assecuto, locum cessit in Praepositura Maiori Strigon. Thomae nostro; nam 1. Mart. Paulus iam Episcopus Quinqueecclesiensis scribitur (Nr. 352. pag. 349.), 29. Julii autem iam magister Franciscus Praepositus sancti Thomae Strigon. occurrit (Nr. 354. pag. 355.), alter autem Praepositus Maior usque 28. Sept. a. 1295. non memoratur, quo die Thomas noster prima vice hac dignitate ornatus legitur. (Nr. 372. pag. 374.) In duabus quidem literis iam a. 1291. et 1292. Praepositus Maior dicitur, sed hic in Dato errorem subversari, praemissa ostendunt. (Nr. 335. pag. 335. et Nr. 432.) Dignitatem hanc ad annum usque 1303. retinuit, ut documenta, ad hos annos producta, docent. Anno 1303. cum Archiepiscopo Colocensi ac aliis Praelatis Romam profectus est (Nr. 559.) sine dubio in negotio Caroli Regis, cui tunc una cum Capitulo Strigon. certe iam adhaesit (Nr. 587.) 3. Junii Capitulum Strigon. ad illum adhuc literas direxit (Nr. 561.) sed paulo post redux et occiso, ut vidimus, 7. Sept. Gregorio Electo Archiepiscopo Strigon., Praeposituram Strigon. cum Albensi commutavit. Quando electus fuerit, non constat. Praepositus Strigon. ultimum occurrit 1303. 3. Jun. (Nr. 561.) successor autem eius in hac dignitate, Theophilus nempe, dictus Puer, primum a. 1304. 1. Nov. comparet. (Nr. 587.) Rite electum tamen et confirmatum illum per Papam fuisse, inde patet, quod ipse se non Electum, sed Praepositum Albensem appellet. (Nr. 598.) Ceterum toto huius gesti muneris tempore, ceteroqui satis exiguo, nulla eius mentio recurrit; huc tamen referenda veniunt servitia illius, quibus Caroli Regis introitum in Regnum - ut ipse testatur - tam apud sedem apostolicam, quam penes Barones Regni procuravit; tum legationes et alia servitia, quibus tunc, quando fere omnes Barones Carolum pro domino naturali recognoscere renuebant, in negotiis eiusdem Caroli procedendo, continuos labores et sollicitudinum curas et alia quam plurima perpessus est, quae, ut Carolus ipse dicit, per singula longum esset enarrare.[566]
Michaele Archiepiscopo Strigon. a. 1304. mense Sept. praematuro fato succumbente, Thomas noster, elapso aliquot mensium spatio, ob dispersum forte Capitulum, aut quavis alia de causa, sed certe non ante a. 1305. successor electus fuit; Capitulum enim Agriense sedem Strigon. a. 1304. imo anno adhuc etiam 1305., vacare asserit[567], sed iam 31. Julii ipse se Electum
[566] Vide ad a. 1315. 1. Aug.
[567] Fejér Cod. dipl. VIII. I. 168.; Nagy Cod. Andeg. I. 105.
Első
