scilicet Comite Farkasio et magistro petro fratre suo de Ougya, andrea et Nicolao, filijs Endre, et bona voluntate permittentibus et consencientibus; obligando se, quod quicunque processu temporum predictum ruffum abraham, aut suos heredes racione ville memorate vellet forsitan inpetere, vel uexare; extunc abraham superius nominatus et filij sui tenebuntur eosdem expedire proprijs laboribus et expensis. In cuius rei testimonium nostras concessimus litteras, sigilli nostri munimine roboratas. Datum in quindenis Epyhohaniarum (sic) domini, anno domini M°. CCCmo. sexto.
E Nro. 621.
603.
1306. 5. Jun. - Capitulum Poson. Comitem Petrum, servum suum Belud manumisisse testatur.
A. B.
Vniuersis xpi. fidelibus, presentes litteras inspecturis, Capitulum ecclesie Poson. salutem in domino sempiternam. Ad vniuersorum noticiam tenore presencium volumus peruenire, quod constitus (sic) coram nobis Comes Petrus, filius Marcelli, tam pro se, quam pro duobus filijs suis, scilicet Jacobo et Johanne, ac pro cognatis suis, est confessus, quod ipse quemdam hereditarium seruum suum, Belud nomine, qui presencialiter aderat et se proprium seruum eiusdem Comitis Petri asseruit, pro remedio anime matris sue et ob seruiciorum (sic) Salamonis, patris eiusdem Belud, qui similiter aderat, manumisisset et tradidisset perpetue libertati; dando eidem vbicumque, uel apud quoscumque residendi liberam facultatem. Obligando se, quod quicunque processu temporum predictum Belud, aut suos heredes, heredumque suorum successores racione pristine condicionis uellet forsitan impetere, vel vexare: extunc dictus Comes Petrus et duo filij sui supradicti, eciam alij, quos forte procreauerit, tenebuntur eundem Belud et suos heredes expedire proprijs laboribus et expensis. In cuius rei testimonium nostras concessimus Htteras, sigilli nostri munimine roborantes (sic). Datum in quindenis Pentecostes, Anno domini M°. C°C°C°. VI°.
Sigillum e corrigia pendet. Orig. in Arch. Cap. Poson. publ. Capsa 14. fasc. 23. Nr. 27.

---