604.
1306. 23. Jun. - Maria Regina Petrum filium Casimiri ob merita comparata, "maxime et manifeste in presencia domini Regis K. dei gracia regis vngarie ac barronum nostrorum, tunc tempore constitutorum, necnon innumerabilium nobilium regni nostri, sub castro Strigoniensi wlnera usque exalacionem spiritus habendo" - remuneratur. Datum Nono kalendas Julij.
Cod. Com. Zichy. I. 112.
605.
1306. 27. Jun. - Carolus I. Rex magistro Martino filio Bogaar ob comparata merita "presertim in expugnacione Castri Strigon., quod magister Johannes, filius Henrici bani, in dei uiuentis iniuriam et (contra) nostram Regiam mayestatem occupatum contumaciter detinebat, vbi idem magister Martinus diuersis se fortune casibus submittendo, mortis periculum uix euasit et duo equi ipsius sub eodem iteratis uicibus per ictum sagittarum et lapidum fuerunt interfecti. Preterea in expugnacione eiusdem castri quam plures seruientes sui extiterunt interempti, alij uero letaliter uulnerati;" possessiones Castrensium Bachun et Chotey in Comitatu Poson. confert. - Datum Strigonij in festo beati Ladizlay Regis et Confessoris.
Cod. dipl. patr. I. 101.
606.
1306. 21. Oct. - Capitulum Poson. Joannem servum manumissum esse testatur.
A B.
Vniuersis xpi. fidelibus, presentes litteras inspecturis, Capitulum Poson. Ecclesie salutem in domino sempiternam. Ad vniuersorum noticiam tenore presencium volumus peruenire, Quod constitutus personaliter coram nobis Benedictus, filius Thome, ex una parte, Nijcolaus, filius Pauli, ex altera; idem Benedictus est confessus, quod ipse quendam seruum suum hereditarium nomine Johannem, filium eiusdem Nijcolai, racione seruiciorum eiusdem nijcolai, in temporibus retroactis sibi fideliter inpensorum, perpetue tradidisset, seu manumisisset libertati. Dando eidem Johanni ubicumque, uel apud quoscumque uoluerit, residendi liberam facultatem. Preterea nullus cognatorum, uel consanguineorum ipsius Benedicti predictum Johannem, uel suos heredes, si

---