celebrancium predictorum, et hoc eisdem fidelibus in suorum iniungimus remissionem peccatorum; et nos, reuerendi patres coepiscopi et college nostri, in presenti nostro concilio congregati, Johannes uidelicet nitriensis, petrus Quinqueecclesiensis, ac Martinus agriensis ecclesiarum episcopi, omnibus Xi. fidelibus, qui predictos sacerdotes et ciues Budenses, sic obstinatos, impugnauerint, capiendo personas et bona dirripiendo, seu auferendo eorumdem; quilibet nostrum singulas quadraginta indulgencias dierum duximus concedendas.
Item cum sacro sancte ecclesie summus pontifex, dominus bonifacius, felicis recordacionis papa octauus, in omnes duces, Barones, banos, comites, prelatos, clericos, religiosos, cuiuscunque ordinis, dignitatis, aut condicionis existant, qui domino K(arolo), naturali Regi Hungarie non adhererent, aut sibi consilijs, auxilijs et fauoribus oportunis non assisterent, uniuersa iura regalia et seruicia debita ac consueta et inuito sibi (sic) facere, uel dare denegarent, eundem Regem Hungarie non nominando, uel titulando, sed quemcumque alium; excommunicacionis publice et solempniter per suas litteras autenticas et in ducatus, Ciuitates, Castella, opida, aut quelibet loca, eidem predictis modis rebellancia, interdicti sentencias protulisset, et nos, ac predecessores nostros huiusmodi mandati executores statuisset: Nos quamuis frequentatis uicibus publicauerimus et denunciauerimus hoc in scriptis; nichilominus et nunc declaramus, ac Jenunciamus, omnes tales in excommunicacionis et interdicti sentencias dicti summi pontificis incidisse, et auctoritate metropolitica predictas sentencias innouamus, etiam in eosdem contemptores proferimus in hijs scriptis, una cum venerabilibus patribus Johanne Nytriensis, Petro quinqueeclesiensis et Martino[573] ecclesiarum episcopis, ac toto sacro nostro concilio, in Wdword celebrato, monentes, inducentes et exortantes peremptorie et precise uniuersos, ut ad obedienciam predicti domini Regis redeant, eundem in dominum naturalem et regem Hungarie recognosscendo, uniuersa iura regalia et seruicia debita et consueta dantes et inpendentes eidem; alioquin sciant indubitanter, quod totum regnum Hungarie generali subiciatur interdicto et contra rebelles eiusdem domini Regis Karuli et iurium suorum detentores, vexillum sancte Crucis fidelibus vniuersis predicabitur, tamquam contra sepulcrum domini detentores.
E corrigiis tria sigilla pendebant, ultimum adhuc adest et Praelatum stantem, mithra et baculo ornatum ac dextera benedicentem exhibet, perigraphe detritum, videtur tamen esse Petri Episcopi Quinqueecclesiensis. - Orig. literis minutis exaratum in Arch. Primat. Eccl. Vet. Nr. 19. - Ed. Pray Hierarch. I. 165.; Fejér Cod. dipl. VIII. I. 326. - Synodum hanc scriptores anno 1309. affigunt; inducti probabilius verbis synodi adductis, quibus Peturmannus et reliqui a novem circiter annis excommunicati dicuntur, nempe quia Carolum Regem habere renuebant.

[573] Emansit: agriensis.