demonstrarunt, quod ecclesia Sancti Jacobi de Warkund, ad quam ipsi iure patronatus dinoscuntur pertinere, nimium distaret ab eisdem, cuius distancia tum propter lacuum, iter rumpencium, tum eciam propter aquarum inundacionem continuam magnum dispendium salutis ipsorum generaret, ita, quod ipsi et ipsorum familia, ac iobagiones nequirent pro audiendis diuinis et percipiendis sacramentis ad ecclesiam accedere memoratam. Quare Capellam in predicta Korcha edificandi a nobis licenciam cum deuota precum instancia postularunt. Verum quia veritas nobis non constabat de premissis, honestum virum Emericum, sacerdotem de Cheten, nostrum fidelem Capellanum, ad exequendam et sciendam huius rei veritatem misimus; qui demum ad nos, deambulatis certis locis et prediis predictorum nobilium, adueniens, retulit ad suam conscienciam, premissa concludere veritatem et peticionem prefatorum nobilium virorum fore iustam, pariterque admittendam. Unde nos iuxta ordinis nostri debitum cupientes diuini nominis cultum augmentare et ex officio cure paternalis, nobis diuinitus commisse, dispendio animarum gregis, nobis crediti, volentes precauere, ut tenemur: ipsorum instantissimis supplicacionibus annuentes, admisimus, vt in predicta Korcha, vbi voluntati eorum placet, et condecet saluti, Capellam in honore beati Nicolai confessoris, ut oraculum edificent, ex nostra licencia et permissione paternali; sine preiudicio tamen matricis ecclesie, videlicet sancti Jacobi supradicte, ita, quod diuina in eadem Capella, cimiterio carente, percipere valeant sacramenta, scilicet missas, confessiones et alia, excepta sepultura, quam matrici ecclesie mandamus reseruari, vt antea ad eandem pertinebant. Ceteras eciam obuenciones, seu prouentus eiusdem matricis ecclesie, que sunt de specialibus prouentibus dicte ecclesie, in nullo volumus seu concedimus derogari. In cuius rei memoriam et testimonium presentes concessimus, sigilli nostri munimine roboratas. Datum in pispuky in quindenis epyfanie domini, Anno eiusdem M°. CCC°. octauo.
Sigillum integrum e rubro serico pendet. Orig. in Arch. Parochiae Karcsa.
633.
1308. 22. Febr. - Capitulum Poson. Sebastianum nobilem Jobagionem Castri Poson. cum cognatis suis de Hideghet curiam a Philpus genero suo Dezső donatam, eidem remisisse testatur.
A. B. C.
Vniuersis xpi. fide(libus, presentes litteras in)specturis Capitulum ecclesie Poson. salutem in salutis actore. Ad vniuersorum noticiam, tam presencium, quam futurorum, Harum (serie volumus) peruenire, Quod constituti personaliter

---