peruenit ad arborem Egur et Scil cruce signatas; inde iuxta fenile, quod remanet Martino, usque ad finem ipsius tendens, per.....eundo peruenit ad paruas arbores Harazt cruce signatas, sitas iuxta aliam viam, per quam de villa fpsius Martini itur in Iuanch et per eandem uersus occidentem declinat usque ad fenile domini episcopi, iuxta quod reuertitur usque septemtrionem ... ad magnum truncum Tul; Inde ad orientem procedendo, peruenit ad locum yezera dictum; Inde per nemora tendendo, uenit ad fenile, per quod uenit ad magnam viam, per quam procedendo in magno spacio ad septemtrionem, uenit ad metam pri(mam ... n)ominatam. In cuius rei memoriam presentibus sigillum nostrum duximus apponendum. Datum Chasme per manus honorabilis viri, magistri Galli, prepositi Chasmensis, prothonotarij nostri, in vigilia Purificacionis v(irginis gloriose, Anno) Domini M°. Trecentesimo Nono.
Sigillum e rubro, flavo, violaceo et viridi serico pendebat. Orig. pulcherrime exaratum, sed rubigine exesum in Arch. Cap. Poson. publ. Capsa 9. fasc. D. Nr. 6.
654.
1309. 9. Febr. - Gentilis Legatus Papae Canonicos Scepusienses ad residentiam stringit.
Frater Gentilis, miseracione diuina tituli sancti Martini in Montibus presbiter Cardinalis, Apostolice sedis Legatus, Dilectis in xpo. filijs, preposito et Capitulo ecclesie sancti Martini Scepusiensis, Strigon. dyocesis, Salutem in domino. Geritur in affeccione nostra precipuum, ut in ecclesijs, infra legacionis nostre terminos constitutis, diuinus cultus ad laudem xpi. nominis et animarum salutem iugiter augmentetur; Ideoque studemus illas ab hijs, que cultum eundem impedire, seu diminuere possent, attenta uigilancia, prout nobis ex alto permittitur, preseruare. Sane peticio vestra, nobis exhibita, continebat, quod quamplures ex Canonicis ecclesie vestre, in qua dicitur Sexdecim Canonicorum numerus institutus, in eadem ecclesia, prout tenentur, licet cum integritate prouentus suarum percipiant prebendarum, residenciam facere negligunt personalem et ipsi ecclesie deseruire, propter quod ecclesia ipsa debitis obsequijs defraudatur. Ouare pro parte vestra fuit nobis humiliter supplicatum, ut statuere curaremus, quod omnes et singuli ecclesie prefate Canonici ipsi ecclesie per seipsos, uel saltem per singulos vicarios faciant continue deseruiri et qui de cetero predicte ecclesie taliter seruire contempneret, quamdiu in contemptu huiusmodj perdurarent, prebendarum suarum fructuum sint percepcione priuati et si aliquis priuatus taliter aliquid inde perceperit, infra duos Menses ad restitucionem eorum, que percepit, integram

---