In cuius rei memoriam et perpetuam firmitatem presentes concessimus litteras, ad instanciam predicti Rumhardi, sigilli nostri appensione communitas. Datum in octauis beati Laurencij martiris, anno domini M°. CCC°. IX°.
A. B. C. D. E. F.
Sigillum e flavo et violaceo serico pendebat. Orig. pulchre exaratum, sed humore maculatum, in Arch. Cap. Strigon. priv. Lad. 43. fasc. 1. Nr. 5. - Ed. Fejér Cod. dipl. VIII. I. 353.
670.
1309. 20, Aug. - Gentilis Cardinalis Legatus Thomam Archiepiscopum et Capitulum Strigon., coram ipso conventos, iuri decimas a Monialibus Tirnaviensibus exigendi renunciasse testatur, eorumque literas transscribit.
FRATER Gentilis, miseratione diuina tituli Sancti Martini in Montibus presbiter Cardinalis, apostolice Sedis Legatus, Dilectis in xpo. filiabus ... Abbatisse et Conuentui Monasterij Sancte Marie de Tirna, ordinis sancte Clare, Strigon. diocesis, Salutem in domino. Cum a nobis petitur quod iustum est et honestum, tam uigor equitatis, quam ordo exigit rationis, ut id per sollicitudinem officij nostri ad debitum perducatur effectum. Sane petitio uestra, nobis exhibita, continebat, quod dilectus in xpo. filius, frater Johannes, Guardianus loci fratrum Minorum de Tirna, procurator uester legitimus, Venerabilem in xpo. patrem, dominum Thomam, dei gracia Strigon. archiepiscopum, necnon dilectos in xpo. filios, Capitulum Strigon. ecclesie, super eo, quod ipsi contra tenorem priuilegij exemptionis, ordini sancte Clare, ac personis ipsius ab apostolica sede concessi, decimas de possessionibus et bonis uestris per uiolentiam et contra iustitiam exigebant, fecit coram nobis auctoritate litterarum nostrarum ad iudicium in certo eis prefixo competenti termino euocari. Cumque predicti Archiepiscopus personaliter, Capitulum uero per procuratorem legitimum coram dilecto in xpo. filio, Magistro Philippo de Sardinia, Canonico Arborensi, causarum nostre Curie auditore, comparuissent in termino prelibato, eisque super predictis per dictum procuratorem uestrum oblato libello, tandem ipsius predicti priuilegij tenore diligenter inspecto, prefatus Archiepiscopus, uolens uos in uestris libertatibus iuxta tenorem ipsius priuilegij indempniter, absque ulla refragatione conseruare illesas; concessit, quod uos deinceps sibi ad solutionem decimarum minime teneamini, mandans vniuersis Officialibus suis, pro tempore constitutis, seu procuratoribus decimarum suarum quibuscumque, ut uos ratione predicta non presumant aliqualiter molestare. Dicti uero Capitulum recognoscentes liquido, uos a prestatione