700.
1310. 29. Dec. - Capitulum Poson. Rosam, relictam Petri de Sárfő ratione dotis per Martinum, magistrum Tavarnicorum Mathaei de Chak excontentatam esse testatur.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. Salutem in domino sempiternam. Ad uniuersorum noticiam tenore presencium volumus peruenire, Quod constituta personaliter coram nobis Domina Rosa, filia Nicolay, filij Puch de Beel, relicta petri, filij Hyze de Sarfeu, fratris filee, ab una parte; martino, filio Bugar, magistro Tauarnicorum magistri Mathey de Trinchinio, ab altera; eadem domino est confessa uiua uoce, quod ipsa ab eodem magistro Martino pro dote et Dotalicijs, ac rebus parafarnalibus suis quindecim marcas, quamlibet marcam cum singulis decem pensis denariorum Wiennensium computando, plenarie recepisset et sic eundem magistrum Martinum et suos heredes de dote et Dotaliciorum suorum (sic) reddidit omnino expeditos. Obligando se eadem domina Rosa, quod quicunque processu temporum eundem magistrum Martinum, uel suos heredes racione predicte Dotis uellet forsitan molestare; extunc eadem domina tenebitur expedire proprijs laboribus et expensis. In cuius rei memoriam presentes concessimus litteras, sigilli nostri munimine roboratas. Datum in festo beati Thome martiris, Anno domini Millessimo Trecentesimo Decimo.
Sigillum integrum e rubro et flavo serico pendet. Orig. in Arch. Cap. Poson. publ. Capsa 14. fasc. 2. Nr. 10.
701.
1310. 29. Dec. - Obitus venerabilis viri domini Johannis de wyuaras, prepositi sancti Stephani de Castro Strigon. Anno domini Millesimo CCCmo. decimo. (Sequitur adhuc: secundo, vel octavo, sed vox haec deleta est.)
E Libro Cantionali Ms. sec. 14. in Calendario ad hunc diem. Orig. in Biblioth. Palatina Vindob. Cod. 1781.
702.
1310. - Theophilus Praepositus et Capitulum Strigon. filios Comitis Philippi contra filios Comitis Gochoth, "cum quibus ad praesens ob metum Mathaei Palatini, Domini ipsorum, non auderent, neque possent coram aliquo

---