706.
1311. 21. Febr. - Capitulum Posoniense transsumit Nrum. 697.
A. B. C.
Vniuersis Xi. fidelibus, presentes litteras inspecturis, Capitulum ecclesie Posoniensis Salutem in domino sempiternam. Ad uniuersorum noticiam tenore presencium uolumus peruenire, quod accedens ad nostram presenciam Petrus, filius Wlche, exhibuit nobis litteras discreti viri Detrici, curialibus comitis Posoniensis, in quibus requirebat nos diligenter, quod nos litteras ipsius patentes, super duas particulas terre emanatas, nostris litteris priuilegialibus uellemus confirmare, quarum tenor talis est:
Sequitur Nrus. 697.
Nos uero iustis et legittimis peticionibus annuere uolentes, de uerbo ad uerbum nostris litteris inseri fecimus, sigilli nostri munimine roborando. Datum in dominica Esto mihi, Anno domini M°. C°C°C°. vndecimo.
Sigillum e rubro et viridi serico pendet. Orig. in Arch. Cap. Poson. publ. Capsa 7. fasc. 1. Nr. 4.
707.
1311. 22. Febr. - Joannes Lector Budensis et Vicarius generalis Archiepiscopi Colocensis Capellanum ad altare s. Nicolai in Crypta Ecclesiae Praepositurae Budensis constitutum, ordinat et dotat.
(I)n nomine sanctissime Trinitatis et indiuidue unitatis, Amen. Vniuersis xpi. fidelibus, tam presentibus, quam futuris, presentem paginam inspecturis, Salutem in eo, qui ueram dat salutem hominis utriusque. Humane nature condicio in tantum propter transgressionem prothoplausti parentis sauciata dinosscitur, quod eius memoria caliginositatis ignorancie nebula per rerum varietates lapsu temporis obfuscatur, ni ea, que aguntur in tempore, fideli patrocinio scripturarum declarentur. Proinde ad vniuersorum noticiam harum serie volumus peruenire, Quod ego Johannes Georgi de Castro Budensi, Lector ecclesie beati Petri de Buda veteri, Canonici Juris professor, vicarius venerabilis patris, domini Vincencij, Archiepiscopi Colocensis, generalis, Ob aliqualem reconnicionem beneficiorum, receptorum ab ecclesia antedicta, de bona voluntate, beneplacito et consensu honorabilium et discretorum virorum, videlicet domini mei, domini pauli prepositi et Capituli antedicti, ac eciam Canonicorum Capelle beate Marie virginis, ad honorem dei omnipotentis et beate Marie, genitricis eius semper virginis et beatorum Petri et pauli apostolorum et omnium sanctorum, ac specialiter beati Nicolay, pij et eximij

---