confessoris, atque pontificis, laudem et preconium, ordinaui et constitui quendam Capellanum, qui super altare eius, in sepedicta ecclesia beati petri apostoli inferius in kerepta (sic) constructum, ab hac die inantea sacerdos quidam, Martinus nomine, filius Nicolai, per me modo et forma infrascripta perpetuo constitutus et post me eodem modo per meos successores, Lectores in eadem ecclesia, omni die missam debeat statim post eleuacionem Misse beate Marie virginis matutine, ordine infrascripto, celebrare, nisi ueris et legitimis impedimentis fuerit prepeditus, qui tunc per alium, si potest supplere, faciat iuxta suam conscienciam vices suas. Qui si negligens fuerit predictus Capellanus officiando altare antedictum per se, uel per alium, extunc per dominum Lectorem, pro tempore constitutum, quem in hoc beati Nicolaij vicarium cognomino, corrigatur et ad hoc faciendum modis omnibus, excepta causa priuacionis nisi in casibus infrascriptis, compellatur iuxta discrecionem, a deo sibi datam. Qui si non fecerit: indignacionem omnipotentis dei et sanctissime matris eius, ac omnium sanctorum infrascriptorum et specialiter beati Nicolay, patroni officij memorati, incurrat, non compellens et non faciens; exceptis alijs penis infratactis, quas non officianti Capellano duxi imponendas. Ordinaui eciam de expressa voluntate domini mei prepositi et Capituli ecclesie maioris, ac Capelle ecclesie beate Marie virginis, quod predictus Capellanus Altaris sancti Nicolay semper eligi debeat et constitui per dominum Lectorem ecclesie sancti Petri maioris vnus de sex Canonicis Capelle beate Marie virginis iamdicte, Saluo iure, priuilegio et officio Capelle antedicte, Eo excepto, quod de speciali petita et data, ac obtenta licencia domini mei prepositi, ac Capituli ecctesie maioris et Canonicorum beate Marie virginis iamdicte, dominus Lector, quem nomino beati Nicolay vicarium, vt est dictum, prefatum Capellanum in spiritualibus et temporalibus iudicandi habeat potestatem in omnibus causibus, in quibus prepositus et Capitulum ipsum possent iudicare.
Ordinaui eciam, quod quicunque eligitur, uel constituitur per dominum Lectorem, ut est supradictum, in Capellanum beati Nicolay, quod illum non ad tempus, sed in perpetuum usque uitam suam constituat et si contingat, quod idem Capellanus propter eius bonitatem, in Canonicum ecclesie beati Petri apostoli assumpmatur et uoluerit renunciare, uel tenere officium memoratum, liberam habeat super hoc facultatem; dummodo sepedictum officium diuinum cum diligencia exsequatur, sicut prius. Si uero ad aliam ecclesiam fuerit promotus in Canonicum: extunc, ut exnunc uolo, quod tamquam uacans officium, prefatus dominus Lector vni de predictis Canonicis ydoneo conferat officium memoratum.
Constitui eciam, quod idem Capellanus beati Nicolay subiectus esse debeat domino Lectori, beati Nicolay vicario, et ipsum honorare in omnibus

---