licitis et honestis. Et rogo totis uiribus et toto posse, in amore karitatis diuine, quod predictum Capellanum beati Nicolay, ultra unam dietam in suis agendis non transmittat, qui ultra ire minime teneatur, ne cultus diuini officij ex hoc minuatur; nisi forsan aliquem ad supplendum vices suas duxerit ordinandum. Hoc idem dico de domino meo preposito et Capitulo antedictis. Quicunque uero contrarium fecerint, in corpore et in anima predictum patronum, quem defraudant, sibi senciant aduersantem.
Ordinaui eciam de expressa voluntate domini prepositi et Capituli, quod sepedictus Capellanus racione prouentuum altaris predicti ab omni exaccione et taxacione Legatorum apostolice sedis, uel aliorum quorumcunque exemptus esse debeat et inmunis.
Ordinaui eciam de petita et obtenta licencia et voluntate prepositi et Capituli, dominorum meorum predictorum, quod in festo beati Nicolay predicti sepedictus Capellanus debeat magnam missam celebrare . volo eciam, quod in vigilia beati Nicolay predictus Capellanus cullacionem Capitulo darc debeat, ut est moris.
Et ut predictum officium predictus Capellanus sancti Nicolai eo attencius et sollicicius exsequatur; predicto Altari sancti Nicolay, ad eius laudem et preconium, ob spem salutis eterne et aliqualem emendam meorum commissorum, donaui unum Calicem et unum breuiarium, ac eciam sacerdotale indumentum, videlicet Casulam de Chemelete nigro et albam cum alijs, ac eciam indumenta altaris de Rubeo scindato cum manutergijs et mensali, ac eciam vnam vineam emptam, wlgariter Thutul nominatam in territorio veteris Bude, predicte ecclesie nostre, sitam, cum quadam particula a parte superiori, ac loco torcularis, eidem attinentibus, Jure perpetuo et inreuocabiliter habenda, possidenda et tenenda per Capellanum altaris beati Nicolay sepedicti, pro tempore constitutum.
Constitui eciam et ordinaui, quod si quandocunque successu temporis nostri successores in adibenda diligencia circa predictum pium officium negligentes extiterint in corrigendo et sollicitando, ac compellendo Capellanum predictum ad celebracionem diuinorum, cessando per tres menses sine causa legitima, uel eciam ad vineam emendandam, si deteriorasset, uno anno, duobus et tribus successiue non compelleret, cum in hoc non uideatur carere scrupulo societatis occulte, qui manifesto facinori desineret obuiare: extunc post primam ammonicionem, factam per dominum prepositum, pro tempore existentem in Capitulo, quam volo expectari infra mensem, post secundam monicionem similiter infra mensem, post terciam monicionem similiter infra mensem; que omnia si non curauerit, tam in sollicitacione diuinorum tantum, uel emendacione vinee antedicte; extunc volo, statuo et ordino, quod sub eodem modo et ordine ad prepositure dignitatem per omnia cura predicti

---