officij deuoluatur, cui causa dei supplico genibus prouolutis, quatenus acceptare dignetur, sue salutis et ecclesie honoris ob respectum. Qui si recipere nollet curam antedictam, uel recipiendo, similer non curaret: extunc ultimo post deum remedio, auxilio et prouisioni domini Strigoniensis Archiepiscopi totam ordinacionem meam humiliter submitto.
Dico eciam et statuo, quod si predictus Capellanus predictam vineam infra tres annos male procurauerit; extunc prefatus dominus Lector predictum Capellanum priuare debeat beneficio altaris et vinea antedicta, Alteri ydoneo de predictis Canonicis sepedictum officium et vineam conferendo et expensas, per quas possit emendari vinea predicta, ab eodem Capellano exigere teneatur .dominus Lector vicarius antedictus.
Ceterum vltimo concludo, quod quicumque hanc nostram ordinacionem, constitucionem infringere, uel in peius inmutare uoluerit, uel procurari fecerit, vel vineam predictam, uel aliquid de predictis rebus uendiderit, uel impignorauerit, uel distraxerit: iram et indignacionem omnipotentis dei et beate Marie virginis et omnium sanctorum eius incurrat in uita et in morte.
In cuius rey memoriam, perpetuamque firmitatem, presentes sigilli mei consignacione duxi roborandas.
Ordo autem Missarum talis erit: Quod die dominico semper celebrare debeat ad laudem dei omnipotentis officium de sancta Trinitate; preterea secundam oracionem dicat de dominica, postea de beata virgine et de beato Nicolao et de pace, demum de omnibus sanctis.
Postea secunda feria semper celebrare debeat de sancto Michaele Archangelo officium, ad laudem omnium celestium spirituum, postea secundam dicat oracionem de beata virgine et de beato Nicolao, aliam pro peccatis, penultimam pro fidelibus defunctis, ultimam semper de omnibus sanctis, nisi sit festum magnum speciale.
Item feria tercia semper de sancto Johanne baptista, ad laudem omnium sanctorum patriarcharum et prophetarum; cetera sicut de beato Mychaele, nisi sit festum speciale.
Item feria quarta semper de sanctis Petro et paulo, uel Johanne apostolis et ewangelista officium, ad laudem omnium sanctorum apostolorum et ewangelistarum, nisi festum alicuius apostoli, uel ewangeliste sit specialiter et tunc de ipso festo; cetera ut supra.
Item feria quinta semper de beatis Rege Stephano, uel Ladislao officium, uel beato francisco, ad Laudem omnium confessorum et pontificum, nisi alicuius alterius sancti, tunc de ipso officium et oraciones dicat de beata virgine semper et de confessoribus, cum ceteris, ut in testo sancti Mychaelis archangeli supra continetur.

---