Item feria sexta semper de sancta cruce, in memoriam redempcionis fidelium, dicat officium et oraciones, tunc dicat de sanctis Stephano et Laurencio, uel alijs martiribus, cum oracione semper pro fidelibus defunctis et omnibus sanctis, vel celebret de sancto aliquo martire officium, ad laudem omnium sanctorum martirum dei et post hoc oracionem de sancta cruce, cum ceteris, ut in festo sancti Mychaelis; nisi sit festum alicuius sancti speciale.
Item die Sabbati semper celebret de beata virgine, propter nullum festum, excepto natiuitatis domini, obmittendo.
In fine rogo pure propter deum, quod semper in omnibus missis suis me et parentes meos habeat in memoria iugiter et deuote.
Datum Bude in festo kathedre beati Petri apostoli, Anno domini M°. CCC°. vndecimo.
Sigillum e zona membr. pendebat. Orig. literis parvis dense exaratum, in Arch. Aerarii Reg. Acta Eccl. fasc. 52. Nr. 1. - Ed. Fejér Cod. dipl. VIII. I. 425.
708.
1311. 22. Apr. - Capitulum Poson. relictam comitis Jacobi de Janik ratione dotis filiabus Stephani decem marcas soluisse perhibet.
Vniuersis xpi. fidelibus, presentes litteras inspecturis, Capitulum ecclesie Poson. Salutem in salutis largitore. Ad vniuersorum noticiam tenore presencium volumus peruenire, quod domina Sana et domina Rosa, filie Stephani filij Budo, de Janyk superiori, simul cum fratribus suis, scilicet Johanne et andrea, ab una parte; nobilis domina Relicta comitis Jacobi, bone memorie, de Janyk, ab altera, coram nobis personaliter constitute, sunt confesse oraculo uiue uocis, quod licet mota fuisset materia questionis inter ipsas super dote et rerum Parafarnalium (sic) ac quarta paternali, que Sana et Rosam dominas supradictas de iure attingebant, pro qua dote et dotalicijs, ac quarta paternali porcionem antedicte domine, relicte comitis Jacobi, quam idem comes Jacobus in ultimo testamento eidem domine, tamquam consorti sue karissime legauerat, que porcio in territorio ville Janyk superiorz existere dinoscitur[578] et in presencia discreti viri, magistri Seraphyni, prelati nostri, bone memorie, diu ordine iudiciario fuissent altercate; ad ultimum mediantibus probis viris, in talem pacis vnionem deuenissent, videlicet Michaele filio Budo, Andrea, Chena, Fuko filio magistri Petri et comite Chopo de sancto andrea, quod supradicta domina Relicta comitis Jacobi racione dotis predicte et quarta supradicte decem marcas denariorum Wiennensium, quamlibet

---

[578] Sensus ob exmissum hic quoddam verbum, incompletus est.