Benedicti de iuxta Gron et suo Conuentui ac monasterio eiusdem inreflagrabiliter (sic) et inrevocabiliter studuit cum sua bona uoluntate perpetuare, in ius perpetuum eiusdem Monasterij Sancti Benedicti relinquendo, eo, quod asseruerit, se ipsam terram non posse ab eisdem redemisse (sic) et ad maiorem cautelam priuilegium incliti quondam Regis Bele, super ipsa terra confectum, mediante quo idem Mijchael et progenitores sui ipsam terram tenuerunt et possederunt, eidem domino paulo Abbati restituit coram nobis. preterea antefatus religiosus vir dominus paulus Abbas predicti Monasterij, personaliter ad nos accedendo, postulauit, ut easdem litteras obligatorias, super prehabita terra vnius aratri sub nostro sigillo emanatas, per modum priuilegij ad vberiorem cautelam et maiorem certitudinem transscribi faceremus, hunc tenorem continentes:
Sequitur Nrus. 640.
Nos igitur dignis et iustis peticionibus eiusdem Abbatis annuentes, ipsas litteras non cancellatas, non abrasas, nec aliqua sui parte viciatas, per modum priuilegij duximus transscribendas. In Cuius transscripcionis memoriam et perpetue stabilitatis incrementum presentes litteras concessimus, sigilli nostri munimine roboratas. Datum per manus discreti viri, Magistri Clementis, lectoris ecclesie nostre. In quindenis beati Georgij martiris. Anno incarnacionis domini M°. C°C°C°. vndecimo.
A. B. C.
A tergo manu parum remota adnotatur: Iste Michael fuit Jobagio Monasterij de Thazar. - Sigillum e flavo serico pendebat. Orig. pulchre exaratum in Arch. Cap. Strigon. priv. Lad. 6. fasc. 4. Nr. 1. Aliud par in eodem fasc. Nr. 2., in cuius tergo manus sec. 15. adnotavit: Magna Zelepchen habet terram ad XII Aratra Regalis mensure; Sed ista littera vltra illa XII aratra extendit se ad vnum aratrum, similiter regalis mensure. Item minor Zelepchen ad IIII aratra. Alia manus eiusdem aetatis adiecit: Item terra Anda (?) pertinet ad Nag Zelepchen. - Paucis commemorat Fejér Cod. dipl. VIII. I. 415.
710.
1311. 8. Maii. - Capitulum Poson. Joannem Fekete et socios suos de Paka Simoni de Csukárpaka ac cognatis eius pro morte Sebők fratris eiusdem decem et octo marcas solvisse testatur.
Vniuersis xpi. fidelibus, presentes litteras inspecturis, Capitulum ecclesie Poson. Salutem in salutis largitore. ad uniuersorum noticiam tenore presencium volumus peruenire, quod Symon et Paulo, filijs Mesk, de uilla Chukarpaka, Stephano Teuthonico, Egidio filio Iva(chini?) de uilla karcha, ab una parte; Johanne uigro, filio Elye, andrea filio Gurgus, Chynto filio Johannis