713.
1311. 15. Jun. - Capitulum Poson. Petrum de Enyed medietatem possessorii sui filiis sororis suae cessisse perhibet.
Vniuersis xpi. fidelibus, presentes litteras inspecturis, Capitulum ecclesie Poson. Salutem in domino sempiternam. Ad vniuersorum noticiam tenore presencium volumus peruenire, Quod constitutus personaliter coram nobis Petrus filius Buhtus de Enijd confessus est oraculo uiue uocis, quod ipse propter specialem dileccionem Petri filij Joseph de Itij filio sororis ac alijs filijs eiusdem sororis sue, si qui ab eadem sorore nomine Margaretha in processu temporis (forte) fuerint generati, medietatem porciuncule sue, in territorio dicte ville Enijd existentem, cum (omnibus vtilitatibus) suis dedisset, donasset et tradidisset iure perpetuo et irreuocabiliter possidendam et tenendam; medietatem uero idem Petrus filius Buhtus possessionis sue hereditarie supradicte possidebit, quamdiu sibi uita comes fuerit; si uero ipsum mori contLtfgerit, quod absit, eadem medietas cum omnibus suis utilitatibus ad manus filiorum sororis sue iure perpetuo deuoluetur. Si uero Petrum filium Buhtus supradictum filium uel filios habere, deo permittente, contingerit, extunc ambas partes cum suis utilitatibus equaliter ualeant possidere iure penitus supradicto. In cuius rei memoriam presentes concessimus litteras sigilli nostri munimine Roboratas. Datum in festo viti et Modesti. Anno dom. M°. C°C°C°. vndecimo.
A. B. C.
Sigillum e viridi serico pendet. Orig. lacerum in Arch. Cap. Poson. publ. Capsa 14. fasc. 5. Nr. 5.
714.
1311. 24. Jun. - Magistratus Poson. Praeposito Poson. in vicem terreni pro muris et fossatis occupati, aream, Praepositurae adiacentem, cedit.
Nos Hertlo Iudex, Jurati et vniuersi Ciues Poson. Significamus, quibus expedit vniuersis, presencium per tenorem, Quod nos pure et simpliciter confitemur habuisse et recepisse pro fossatis et Muris nostre Ciuitatis faciendis quendam locum ad prepositum Poson. pertinentem, situm et positum iuxta ecclesiam sancti Saluatoris, quo muri et fossata nostre Ciuitatis predicte facta ad presens existunt, nec dicto preposito hactenus pro dicto loco aliquam recompensacionem fecisse; vnde nos ad instanciam et peticionem venerabilis viri, domini Phylippi, Decretorum Doctoris, prepositi Poson. recognoscentes iusticiam dicti Prepositi, et nolentes eum, uel successores eius in hoc facto aliquatenus defraudari, de Communi uoluntate, beneplacito et

---