asensu in concambium et recompensacionem dicti loci et pro Honore ecclesie sancti Saluatoris, quam in hoc eciam, si alias non teneremur, dotare intendimus, damus et tradimus perpetuo et irreuocabiliter predicto preposito, pro se suisque successoribus recipienti aream coniunctam domui prepositali, in qua dictus prepositus habitat in presenti, ad nos pertinentem; cuius quidem aree confines tales sunt, ex una parte domus prepositalis, cui coniungitur ipsa area, ex alia parte Domus domini Jacobi plebani Poson., cui eciam coniungitur, ex alia uero parte ecclesia sancti Saluatoris, a qua predicta area quadam via media publica separatur, Dantes eidem preposito plenam et liberam potestatem et licenciam ingrediendi et recipiendi ipsius aree corporalem possessionem et tenutam auctoritate sua sine cuiusquam requisicione et deinceps pro se suisque successoribus retinendi ac faciendi in ea et de ea, quitquid sibi placuerit, Promittens ego Herclo prefatus nomine vniuersitatis Poson. de uoluntate iuratorum Ciuium predictorum, dicto preposito suo et successorum suorum nomine litem uel controuersiam, uel molestiam aliquam non inferre, uel inferenti non consentire; Sed eidem preposito suisque successoribus ab omni Homine et vniuersitate legitime defendere, autorizare et expedire, predictum concambium seu recompensacionem et omnia et singula suprascripta perpetuo grata, rata et firma habere et tenere, nec contrafacere, uel uenire aliqua racione, uel causa per se, uel per alium de iure, vel de facto sub pena Quinquaginta marcarum, qua pena soluta, uel non, omnia et singula suprascripta firma perdurent. Item reficere et restituere omnia et singula dampna, expensas et interesse, que dictum prepositum, uel successorum suorum aliquem facere, uel substinere (sic) contingeret, occasione predicti concambij, seu recompensacionis. In quorum omnium testimonium et memoriam futurorum, presentes litteras fieri mandauimus et nostre comunitatis predicte[580] munimine Roborari. Datum in die beati Johannis Baptiste. Anno domini Millesimo Trecenthesimo vndecimo.
Sigillum e viridi serico pendebat. Orig. pulchre exaratum in Arch. Cap. Poson. priv. Capsa A. fasc. 4. Nr. 1. (iuxa Indicera: A. 4. 1.) _ Ed. Fejér Cod. dipl. VIII. I. 431.
715.
1311. 28. Jun. - Capitulum Poson. Elisabethae, viduae Jacobi de Körtvélyes, dotem exsolutam esse perhibet.
Vniuersis xpi. fidelibus, presentes litteras inspecturis, Capitulum ecclesie Poson. Salutem in salutis largitore. Ad uniuersorum noticiam tenore presencium volumus peruenire, Quod domina Elisabeth, filia Gregorij de Dayta,

---

[580] Emansit: sigilli.