Relicta Jacobi, filij Peech de kurtuelis, simul cum fratre suo Paulo, ab una parte; Demetrio sacerdote et andrea filio antedicte domine, ab altera, coram nobis personaliter constitutis, sunt confessi oraculo uiue uocis, quod licet mota fuerit materia questionis inter ipsos super dote et Dotalicijs, ac rerum Parafarnalium ipsius domine Elisabeth, eam de iure attingentem, ante litis ingressum, racione proximitatis, in talem pacis vnionem deuenissent, quod Demetrius sacerdos predictus cum Andrea supradicto racione antedicte Dotis et Dotalicijs, decem marcas denariorum Wiennensium, quamlibet marcam cum singulis decem pensis computando, domine elisabeth dedissent plenarie et soluissent, quas decem marcas eadem domina Elisabeth plenarie recepisse et habere est confessa, et sic ipsum Demetrium et Andream predictos ipsa domina et frater suus supradictus racione dicte dotis reddiderunt omnino liberos et expeditos. Obligando se, quod quicunque processu temporum ipsos Demetrium et Andream uellent molestare; extunc eadem domina et Paulus frater suus tenerentur expedire proprijs laboribus et expensis. In cuius rei testimonium presentes dedimus litteras, sigilli nostri munimine Roboratas. Datum in vigilia beatorum Petri et Pauli apostolorum, Anno domini M°. c°c°c°. vndecimo.
A. B. C.
Sigillum integrum e rubro et viridi serico pendet. Orig. in Arch. Poson. publ. Capsa 14. fasc. 10. Nr. 17.
716.
1311. 15. Jul. - Conventus Cruciferorum Strigon. Comitem Georgium Petro Földes venditionem terrae Bel prohibuisse testatur.
Nos Nicolaus, magister Cruciferorum domus Hospitalis sancti Regis Stephani de Strigonio et Conuentus loci eiusdem, damus pro memoria, Quod comes Georgius, filius Exe, nobilis Jobagio sancte ecclesie Strigon., vice et nomine comitis Bede, coram nobis personaliter constitutus, Petrum, filium Gerges, dictum feldes et omnes posteritates suas, uel ad eum quocunque modo spectantes, a uendicione cuisdam (sic) terre Beel uocate, que eidem comiti Bede per supradictum Petrum, filium Gerges, extitit pignori obligata, prohibuit et eciam prohibendo interdixit coram nobis, omnibus ementibus terram prehabitam contrarium ponendo, Juris iusticia conseruando. Datum in festo diuisionis apostolorum, Anno domini M°. Trecentesimo vndecimo. Sigillum ext. margini fuit appressum. Orig. in Arch. Cap. Strig. publ. Capsa 52. fasc. 5. Nr. 12.