modum protestacionis significare curauit, quod reuerendissimus in X°. pater, dominus Archiepiscopus ecclesie Strigon. plurimas possessiones, ac possessionarias porciones ipsorum, domini Abbatis videlicet et Conuentus sui et per consequens predicti Monasterij ipsorum occupatas teneret, videlicet possessionariam porcionem in Kakath Strigoniensi, ac possessionem ipsorum Odwarth in Camariensi Comitatibus, nec non possessiones ipsorum Nimthi et Berscnche, Chekw et Selus[581] vocatas, intra metas dicti Monasterij habitas, nec non Capitulum dicte ecclesie Strigon. decimas omnes propriarum ipsorum possessionum similiter occupatatas (sic) detinuissent et tenerent de presenti minus iuste et indebite; factaque huiusmodi protestacione, eundem dominum Archiepiscopum et suum Capitulum predictum, ac alios quoslibet ab occupacione, detencione, vsuum fructuum, ac vniuersarum vtilitatum earumdem possessionum, ac possessionariarum porcionum, ac decimarum percepcione, percipique faccione, seque ab intromissione in easdem, quoquo modo facta vel fienda, vice et nominibus predictorum domini abbatis et Conuentus inhibuit contradicendo et contradixit inhibendo coram nobis. Datum in dominica Letare, Anno domini Mmo. CCCmo. duodecimo.
Sigillum in ext. margine apparet. Orig. in Arch. Cap. Strigon. priv. Lad. 40. fasc. 1. Nr. 20. - Ed. Fejér Cod. dipl. VIII. I. 477.
738.
1312. 8. Mart. - Thomas Archiepiscopus et Capitulum Strigon. oblatas a Mathaeo de Trencsen in refusionem damnorum 500 marcas nonnisi ob metum gravem acceptare protestantur, et actus violentos plurium recensent coram Capitulo Albensi.
Nos Capitulum ecclesie albensis tenore presencium significamus, quibus expedit, vniuersis, Quod anno domini M°. CCC°. decimo secundo, feria quarta post Dominicam Letare, venerabilis in xpo. pater, dominus Thomas, dei gracia archiepiscopus Strigon., locique eiusdem comes perpetuus, per specialem suum Capellanum, Discretum virum, magistrum Thomam, mediantibus suis litteris procuratorijs, suo et ecclesie sue, ac tocius Capituli Strigon. nomine, coram nobis comparentem personaliter, protestando nobis significare curauit, Quod pridem Matheus de Trynchynio in eum suosque famulos et sequaces, per venerabilem patrem, dominum G., dei gracia Tituli sancti Martini in montibus presbiterum Cardinalem, apostolice sedis legatum, inter cetera sub forma certi processus excommunicacionis sentencia promulgata, uenenum sui furoris, ex huiusmodi promulgacione conceptum, in ipsum venerabilem patrem,

[581] Fejér legit: Weer Senche, Szeke et Szőlős.