dominum archiepiscopum, ex mandato et precepto dicti domini legati processum dicte sentencie exequentem, ac in ecclesiam et Capitulum memoratum confestim effundens, omnem terram eiusdem ecclesie, sibi finitimam, hostiliter inuasisset, occupasset, deuastasset, et usque adeo esset depopulatus, ut ex populis villarum, inibi consistencium, in earum aliquibus pauci, in earum plurimis nulli habitatores remansissent, alijs fugientibus a facie persequentis, alijs ad redempcionem carceri et extorsionem tormento, alijs ad mortem gladio mancipatis; quin ymo vorago tante tyrannidis in plerisque dictarum villarum, domorum edificijs non pepercit, quin illa fecisset asportari. Sub hac ipsa tyrannide Castro ipsius ecclesie, Berzenche dicto, quod alias expugnari non poterat, subterranea cauacione subuerso, cum nulla eidem talis suffragaretur potencia, qua dicti Mathei huiusmodi tyrannicum imperium repellere potuisset; prout hec dicunt et sunt notorie cunctis nota et toti Regno luculencius manifesta, iniquitatum suarum abyssus abyssum inuocans, nunc armaretur in Castrum eiusdem venerabilis patris Strigoniense, ac in personam suam ad interitura machynaretur; prout hec per indicia probabilia dicit sibi esse detecta et aperta, et inde argumenta timoris perualida ipsum perterrerent. Quapropter nimium terrore concussus, quamplurimos Regni sapientes, de religioso et seculari clero et populo conuocatos, tamquam futuri mali prouisor, super premissis omnibus requisijsset; ex quorum deliberato consilio et efficacibus suasionibus inductus, ne idem tyrannus suam tante malignitatis potenciam ampliaret in pretacte armacionis et machynacionis effectum, cum ipso, qualicumque satisfaccione super hijs oblata, ad pacis concordiam uenire cum eodem Matheo, vnacum fratribus suis de Capituio decreuissent; et licet idem Matheus eundem venerabilem patrem et ecclesiam suam ac fratres suos de Capitulo per hanc hostilem persecucionem damnificauerit in ualore quindecim milium marcarum et ultra, exceptis destruccionibus euidentibus possessionum et villarum eorumdem, ad singula animalia maiora quadraginta denarios et ad pecudes viginti, ad singulos uero puerulos iobagionum suorum singulos quatuor denarios ponendo et exigendo, quod inauditum genus exaccionis esse perhibetur, nec pro emenda tante damnificacionis plus offerat, quam Quingentas marcas viennenses; ijdem venerabilis pater et Capitulum ecclesie sue timentes eundem ad peiora laborantem, ut est predictum, et ecclesie Strigon. totalem subuersionem, si emendam huiusmodi recusarent acceptandam, sibi totum dampnificacionis residuum remittere cogerentur; et inter hec arta (sic) retrusi, Coram nobis ijdem venerabilis pater et Capitulum ecclesie sue per supradictum magistrum Thomam protestari curauerunt, quod si composicio inter eos tractata processerit et emendam ipsam acceptarent et residuum predicte dampnificacionis remitterent, solum propter tantum metum hoc facerent, qui posset in omnem constantem cadere; nec ex huiusmodi acceptacione