acceptacione et remissione, propter metum huiusmodi subsecutis et subsecuturis, ullum eisdem uel ecclesie ipsorum preiudicium generetur, quominus in tempore suo contra dictum Matheum possint accionem habere competentem super omnibus premissis et singulis premissorum dampnorum, que ad ualorem quindecim milium marcarum fideliter computando dicunt ascendisse. Ceterum notificari fecerunt similiter per eundem protestando, Quod Fulcyanus combussisset villam archiepiscopalem, Zeredahel uocatam, cum ecclesia, ubi intulisset dampnum bene mille marcarum. Item Chellus[582] in interfeccionibus hominum, in detencione et deuastacione possessionum archiepiscopalium, Nazwad, Guta[583], Boych, Hemeu[584] et Petud uocatarum, et in recepcione tributi ab vniuersis iobagionibus eorumdem dampnum intulissent Quingentarum marcarum. Item quod Bede in occupacione villarum archiepiscopalium, Gyormoth[585], sancti Georgij, Zovdow[586], Bogdan, Kemwid[587], Fornod et Sorlou[588] uocatarum, intulisset dampnum mille marcarum et ultra. Nos itaque protestacione huiusmodi per dictum procuratorem recepta in litteris et audita, ad eiusdem peticionem in ipsius rei testimonium presentes anno domini M°. CCC°. decimo secundo, feria quarta ut supra, dedimus litteras, nostro sigillo communitas.
Sig. tergo fuit appressum. Orig. in Arch. Prim. Sec. Lad. D. fasc. 8. Nro. 63.
739.
1312. 10. Mart. - Thomas Archiepiscopus Strigon. contra Mathaeum de Trencsen etiam coram Capitulo Jauriensi protestatur.
Nos Capitulum Jauriensis ecclesie, vniuersis, quibus expedit, presencium significamus per tenorem, Quod venerabilis pater, dominus Th., dei gracia archiepiscopus Strigon. - - - cet. ut Nro. 742.
Datum feria sexta post Dominicam Letare, Anno domini M°. CCC°. decimo secundo.
Sigillum tergo fuit appressum. Orig. humore viciatum in Arch. Prim. Sec. Lad. L. 4. Nr. 50. - Edidit Fejér Cod. dipl. VIII. I. pag. 465.
[582] In literis Cap. Quinqueeccl. sub Nro. 742. Chelleus.
[583] Ib. Gutta.
[584] Ib. Homew.
[585] Ib. Gormoth.
[586] Ib. Sodou.
[587] Ib. Kemend.
[588] Ib. Sorrou.