Matheum palatinum, sibi et ecclesie ac Capitulo Strigon. intulisset dampnum bene mille marcarum. Item Mikoucha[592] de Boyon ab eodem tempore late sentencie in Matheum, Anno domini M°. CCC°. XI°. usque ad dominicam, qua cantatur Letare, in occupacione ville eiusdem domini archiepiscopi, Theeld[593] vocate et aliorum dampnorum irrogacione intulisset eidem et ecclesie sue dampnum plus quam centum et quinquaginta marcarum. Item Thomas, dictus Woreas[594], filius Johannis, filij Moch, ab eodem tempore in occupacione et deuastacione villarum Capituli Strigon., Paul et Gormoth[595] vocatarum et in alijs dampnis, eidem per ipsum datis, intulisset dampnum centum et quinquaginta marcarum et vltra, fideliter extimando. Item Stephanus, filius Ibur[596], in occupacione, destruccione, deuastacione villarum eiusdem domini Archiepiscopi, Bersen[597], Boytha et leled vocatarum, in quarum vna, leled vocata, nullus omnino remansit habitator, In quarum altera, Bersen vocata, cum argenti fodina, cuius prouentus sibi vsurpauit, damnificasset ipsum dominum archiepiscopum et ecclesiam suam plus quam in ducentis marcis. Item Petrus, Germanus Renoldi, in occupacione, destruccione, deuastacione et spoliacione villarum eiusdem Zalka, Vodkerth, Sceteh et Berenche dampnificasset eundem et ecclesiam suam plus, quam in trecentis marcis; preter hoc per eundem Petrum in predicta villa Vodkerth septem homines in quodam spolio suo sunt interfecti. Item Bede[598] In occupacione, destruccione et desolacione villarum Capituli Strigon., Keseu et Sag[599] vocatarum, que quidem villa Sag per eundem Bede omnino est desolata, eisdem intulisset dampnum plus, quam ducentarum marcarum. Item idem Bede possessionem eiusdem domini archiepiscopi, Bogdan vocatam, omnino combussisset et desolasset ita, quod ibi nullus remansit; habitator. Item Mathias de elefanti in occupacione et desolacione villarum eiusdem domini archiepiscopi, Hugoc et Hyelu vocatarum, ipsum et ecclesiam suam dampnificasset plus, quam in ducentis marcis. que omnia predictus magister Thomas eundem dominum suum, dominum archiepiscopum et Capitulum ecclesie sue loco et tempore dicit prosequi velle et eciam probaturos. In cuius protestacionis testimonium presentes a nobis instanter pecijt sibi dari; et quia nemini in suo iure deesse debemus, ad instanciam eiusdem presentes litteras, nostro sigillo communitas, duximus

[592] In literis Capituli Vesprim. sub Nro. 740.: Mykocha.

[593] Ih. Teeld.

[594] Ib. Vorias.

[595] Ib. Pauld et Gyormoth.

[596] Ib. Ybur.

[597] Ib. Berseen.

[598] Ib. Bedy.

[599] Ib. Kezu et Saag.