760.
1313. 11. Mart. - Plebanus et Guardianus de Tirnavia cum sociis transscribunt Nrum. 759.
Georgius plebanus de Tirna; frater Rolandus Gardianus et fratres Conuentus ordinis fratrum Minorum; frater Andreas de eadem et frater Petrus de Pochaka, priores de ordine fratrum predicatorum; Yensilinus Iudex, Ypolitus paruus et Herbordus, iurati eiusdem loci, omnibus, quibus presentes ostenduntur, salutem in domino sempiternam. Noueritis, quod nos ad peticionem et instanciam venerabilis patris, domini Th., dei gracia sancte Strigon. ecclesie Archiepiscopi, eiusque loci comitis perpetui, testamentum nobilis et magnifici viri, magistri Egidij, filij Gregori de Monozlo, apperiri fecimus et perlegi, cui eciam testamento plures ex nobis, prout inferius exprimitur, interfuerunt et mediatores extiterunt, cuius tenor talis est:
Sequitur Nrus. 759.
Nos eciam ad peticionem eiusdem domini archiepiscopi sigilla nostra presentibus duximus apponenda. Datum et actum in Tyrnauia in Dominica Reminisscere, anno domini M°. CCC°. tredecimo.
Extus: super testamento Comitis Egidij Ecclesie beati Adalberti de possessione Noglok edito. - Primum sigillum Mariam ab Angelo salutatam, exhibet cum perigraphe: + S. Gcorgii Plebani de Ti(r)na; secundum monachum stantem cum perigraphe: + Sigill Frm. (fratrum) ... De Tyrna; tertium decidit; quartum Sanctum quendam, coram quo quidam genuflectit, infra hos autem monachum orantem exhibet, inscriptio illegibilis. Sigilla haec ovalia e corrigiis dependent. Exhibuimus pag. 63. 81. et 83. Orig. in Arch. Prim. Sec. Lad. U. fasc. 8. Nr. 187. - Ed. Fejér Cod. dipl. VIII. I. 524.
761.
1313. 12. Mart. - Thomas Archiepiscopus Strigon. indigentiam Parochi Szerdahelyiensis sublevat.
Nos Thomas, miseracione Diuina Archiepiscopus Strigon., eiusdemque loci Comes perpetuus, significamus, quibus expedit, presencium per tenorem, quod quia villa nostra de Zeredahel per presentis impacati temporis discrimina in tantum est destructa et combusta, ecclesia eciam, in eadem existens, concremata, quod Sacerdos parrochialis victum suum ex ea commode habere non potest, nec Deo famulari. Quare Sacerdotem eiusdem Ecclesie ab omni exaccione iuris Archidyaconatus in descensu et kathedratico ex nunc habere volumus absolutum et expeditum; pro remedio eciam anime nostre et nostrorum predecessorum quartam decimarum nostrarum, in eadem Zerdahel (sic) et Zereth nobis proueniencium, ecclesie beati Jakobj contulimus perpetuo