possidendam, tenendam et habendam; volentes, vt nullus decimatorum nostrorum, pro tempore constitutorum, dictam ecclesiam et andream Sacerdotem, uel eius successores racione dicte quarte decimarum presumat molestare. In cuius rei memoriam presentes eidem ecclesie et Andree Sacerdoti, ac eius successoribus dedimus litteras, sigillo nostro consignatas. Datum in predicta villa Zeredahel feria secunda post dominicam Reminiscere, Anno Domini Mmo. CCCmo. XIIImo.
E transsumpto Demetrii Archi Episcopi Strlgon. a. 1379. In Arch. Cap..Strigon. priv. Capsa 45. fasc. 1. Nr. 7.
762.
1313. 22. Apr. - Thomas Archiepiscopus decimas villae Kemend, per Benedictum quondam Electum Strigon. Capitulo Strigon. pro similis distribuendis collatas, eidem Capitulo denuo confert.
Thomas, miseracione diuina Archiepiscopus Strigon., locique eiusdem comes perpetuus. Vniuersis, presentes litteras inspecturis, salutem in omnium saluatore. Ad uniuersorum noticiam, tam presencium, quam futurorum, harum serie uolumus peruenire, Quod Honorabilis et discreti viri, Theophilus prepositus et Capitulum eiusdem nostre Strigon. ecclesie, fratres nostri in xpo. karissimi, litteras Honorabilis viri, domini Benedicti, quondam Strigon. ecclesie electi, cum pendenti sigillo, nobis exhibere curauerunt; quibus perlectis, uidimus plenius contineri, quod ipse decimas ville Kemend contulerat Capitulo Strigon. memorato ad distribucionem Simularum, eo modo, quemadmodum decime de Tyrna ipsis fratribus nostris pro Simulis distribuendis ab antiquo sunt collate.[609] Et quia ipsius domini electi uoluntatem, sic liberalem, sic caritatiuam circa ipsum Capitulum considerauimus extitisse et peticioni insuper fratrum nostrorum, facte in hac parte predictorum, paternaliter inclinati, ipsarum decimarum donacionem prehabitam ratificantes, duximus approbandam. Nosque nichilominus iam dictas decimas de Kemend pleno iure et integraliter exnunc contulimus, dedimus et donawimus eisdem fratribus nostris, uidelicet memorate ecclesie nostre Capitulo ad cottidianam distribucionem Simularum, eo moderamine, atque iure, quo ipsi habent decimas de Tyrna, percipiendas, perpetuo possidendas et tenendas. Ita videlicet, quod prepositus et lector ecclesie nostre Strigon., pro tempore constituti, in ipsis decimis de Kemend, seu Simulis exinde confectis, atque distribuendis, racione prepositure et lectoratus ultra prebendam Canonicalem nullam habeant ullo unquam tempore porcionem,

[609] Vide Nrum. 190. Tom. I. pag. 197.