saluatore. Ad vniuersorum noticiam tenore presencium volumus peruenire, quod Benedictus, filius fuk, nobilis de Arsan, circa fluuium Ipul de Comitatu Huntensi, cum Gregorio, filio suo, personaliter ad nostram accedentes presenciam, mediam partem possessionis predicte, Arsan vocate, que Nicolaum, similiter filium fuk, fratrem suum, contingebat, de bona et uera voluntate eorumdem dederunt Petro, filio Batur de Kelenen, genero ipsius Nicolai, cum omnibus vtilitatibus et pertinencijs, tam racione dotis, quam eciam racione quarte partis, que dominam Guzem vocatam, consortem dicti Petri, videlicet filiam Nycolai supradicti, contingebat, iure ac inreuocabiliter in perpetuum, heredibus, heredumque eorum successoribus, possidendam, tenendam et habendam, in eisdem metis et terminis, in quibus predictus Nycolaus possidebat. Assumpmentes et obligantes seipsos, Benedictus scilicet, Gregorius supradicti, quod si ullo umquam tempore ipsum petrum, uel suos successores aliqui vellent, uel intenderent molestare racione ipsius terre; extunc eundem debent seruare super eandem terram proprijs laboribus eorumdem et expensis, similiter Gregorium et patrem eiusdem, comitem Benedictum, racione dotis et quarte partis predictarum aliquis ipsos impeteret, uel molestare intenderet, aut suos heredes, expedire tenebitur Petrus sepedictus proprijs laboribus suis et expensis. In cuius rei memoriam et firmitatem perpetuam concessimus litteras Priuilegiales Petro et domine consorti eiusdem, sigillť nostro munimine roborando. Datum quarta feria proxima post festum Assumpcionis beate virginis gloriose, Anno domini M°. CCC°. decimo tercio.
Cum hoc anno ipsum festum Assumptionis inciderit in feriam quartam, Datum huius diplomatis Octavas eiusdem festi exprimere voluit. - Sigillum e rubro serico pendebat. Orig. in Arch. publ. Cap. Strigon. Capsa 2. fasc. 9. Nr. 3.
775.
1313. 26. Oct. - Stephanus Episcopus Vesprimiensis Carolo Regi, qui eidem "habito consilio et tractatu cum Archiepiscopo Strigon." et aliis Episcopis, Comitatum Vesprimiensem contulit, decimas "tantum de magna insula" concedit. - Datum Budae septimo Kal. Nov.
Fejér Cod. dipl. VIII. I. 512. - Eodem die etiam Carolus Rex super cambio hoc literas edit. Ibidem. VIII. V. 87.