humiles et flebiles oculos nostros ad vestre sanctitatis apicem, veluti a montibus eternis auxilium expectantes, deuoti eleuamus, supplicantes vestre sanctitatis pedibus cum eodem et pro eodem humotenus prouoluti, vt paterne consolacionis remedia contra tales infideles predicti domini nostri Regis Hungarie, deuoti filij vestri, et destructores ecclesiarum adinuenire sanctitas vestra velit, et specialiter ipsi domino K. Regi Hungarie litteras dirigendo, ne cum posse habuerit, ipsam Strigon. ecclesiam in tanto dampno deserat esse et permittat, cum sustinuerit illa dampna sibi inferri pro eodem; sed de facultatibus et bonis predicti Tyranni tempore oportuno dampna predicte Strigon. ecclesie et ecclesiarum sibi subiectarum plene studeat resarcire. Datum Bude in festo Omnium sanctorum, Anno domini M°. CCC°. XIII°.
Sex sigilla e zonis membranaceis pendebant, e quibus duo ovalia, praelatos mitra et pedo ornatos exhibentia, adhuc supersunt, sed iam exesa, quantum e fragmento inscriptionis apparet, fuerunt Augustini Zagrabiensis et Georgii Sirmiensis Episcoporum. - Orig. in Arch. Cap. Strigon. priv. Lad. 41. fasc. 2. Nr. 14. - Ed. Fejér Cod. dipl. VIII. I. 504.
777.
1313. 5. Nov. - Carolus Rex ad preces Thomae Archiepiscopi Strigon. Nrum. 280. transscribit et confirmat "in Nonis Novembris."
E simpl. copia in Arch. prim. secul. Lad. H. Nr. 77. tum in Arch. Cap. Strigon. priv. Lad. 49. fasc. 1. Nr. 11. - Ed. Fejér Cod. dipl. VIII. I. 492.
778.
1313. 2. Dec. - Thomas Archiepiscopus Strigon. Monialibus de Insula Budensi tributum in districtu Castri Budensis solvendum decernit.
Nos Thomas, miseracione diuina Archiepiscopus Strigon. eiusdemque loci comes perpetuus, Significamus, quibus expedit, vniuersis presencium per tenorem, Quod. cum inter procuratores Religiosarum dominarum Sororum et sanctimonialium gloriose virginis de Insula Leporum, ex vna parte, et inter Ciues Castri Budensis et Suburbij eiusdem ac de antiqua Pesth, ex altera, contencio mota fuisset Super eo, quod predicti Ciues assererent, quod Tributarij dominarum earumdem vltra id quam deberent, tributum a mercatoribus exigerent et propter hoc se grauatos esse dicebant, Cum propter exaccionem huiusmodi indebiti tributi pauciores mercatores ad eos se transferrent. Econtra vero ijdem procuratores earumdem dominarum assererent, quod numquam
Első
