Strigoniense faciebat expugnari, circa se et eum custodiendo, cum letali vulnere ipsum magistrum Johannem defendendo," "possessionem Zemlengumulchi uocatam de terra Udvarniky" contulisse testatur. - Datum in octauis beati Georgij martiris.
Nagy Cod. Andeg. I. 341.
788.
1314. 3. Maii. - Thomas Archiepiscopus Strigon. quartam decimarum partem Capellarum de Knesics, Szent-Benedek et Zsemler Conventui s. Benedicti cedit.
Nos Thomas, miseracione diuina archiepiscopus[613], eiusdemque loci Comes perpetuus, Significamus, quibus expedit, vniuersis, presencium per Tenorem, Quod nos visis et inspectis litteris papalibus super quarta decimarum parte Ecclesiarum et parrochianorum, videlicet Sancte Marie de kenesich, Sancti Egidij prope Monasterium sancti Benedicti, Sancte Marie de Semler, nobis debitarum, Religiosis viris et deo deuotis, Abbati et Conuentui dicti Monasterij sancti Benedicti debita concessis, nos ipsam quartam eisdem resignauimus et restituimus cum omni plenitudine sui Juris; Precipientes omnibus Officialibus, Collectoribus et decimatoribus nostris, pro tempore constitutis, Quatenus de ipsa quarta nullatenus se intromittant; Alioquin si secus fecerint, indignacionem omnipotentis dei et nostram se nouerint incursuros. In cuius rei testimonium presentes appensione Sigilli nostri autentici fecimus communiri. Datum Strigonij In festo invencionis Sancte Crucis, Anno domini M°. CCC°. decimo quarto.
E transsumpto Conventus Cruciferorum Strigon. a. 1340. In Arch. Aerarii Regii Hung. Acta Eccl. fasc. 24. Nr. 19.
789.
1314. 28. Maii. - Tres pistores Strigon. molam in Kemend Thomae Archiepiscopo Strigon. vendunt coram Conventu Cruciferorum Strigon.
Conuentus Cruciferorum domus Hospitalis ecclesie sancti Regis Stephani de Strigonio, Vniuersis, presentes litteras inspecturis, salutem in domino sempiternam. Ad uniuersorum noticiam, tam presencium, quam futurorum, harum serie uolumus peruenire, Quod Mychael et Gyhan, filij Stephani

[613] Emansit: Strigoniensis.