confectis legitime, fide perspeximus oculata, teneri indubitanter dignoscantur et nonnulli ex eisdem sacerdotibus super memorate custodie iuribus, ex parte ecclesiarum eorumdem persoluendis, contumaces sepius inventi sint et rebelles, contra quos Blasius, ecclesie nostre Custos, nobis frequenter iam porrexit querimoniam; volumus et in virtute obediencie predictarum ecclesiarum sacerdotibus iniungimus firmiter vniuersis, quatenus Jura ipsius Custodie ecclesie nostre deputata, tam in candellis, quam in denarijs, aduenientibus certis festiuitatum diebus, ijdem sacerdotes ex parte suarum ecclesiarum irrefragabiliter et absque ulla diminucione eidem B. Custodi dare et persoluere sine more dispendio teneantur; alioquin dedimus eidem nostram auctoritatem, predictos contumaces sacerdotes et ecclesias earumdem sub ecclesiastico ponendi interdicto et tenendi tamdiu, donec ex parte ipsorum super premissis Juribus ipsi B. Custodi fuerit ad plenum satisfactum. Datum Strigonij in vigilia apostolorum Symonis et Jude beatorum, Anno domini M°. CCCmo. quartodecimo.
E transsumpto Cap. Strigon. a. 1350. In Arch. Cap. Strigon. priv. Lad. 51. fasc. 1. Nr. 25. - Ed. Fejér Cod. dipl. VIII. VII. 109.
793.
1314. 25. Nov. - Thomas Archiepiscopus Strigon. Prioratum de Stohla confirmat et in protectionem suam recipit.
Nos Thomas, miseracione diuina Archiepiscopus Strigon. eiusdemque Loci Comes perpetuus, Significamus, quibus expedit, vniuersis presencium per tenorem, Quod cum prouidi et honesti viri Guerlahus de monte sancti Georgij, Comes Nicolaus de villa Stoyani, dominus Menhardus plebanus de villa Sueui, cum ipsorum amicis et proximis, tamquam deuoti in xpo. filij, ad diuine religionis cultum et augmentum anelantes, in ipsorum propria possessione in terra Scepesiensi, sub monte. niuium, qui cella beate virginis nuncupatur, locum conuentualem ad honorem ipsius beate virginis pro Cenobio ordinis sancti Benedicti disposuerint et situauerint, tamquam patroni pro salute suarum animarum et heredum, ac successorum suorum et uolentes, ut ille locus per nos, tamquam per superiorem illius ordinis, confirmetur et approbetur; nos ipsorum deuocionem animotenus attendentes, sicut salubriter per eos extitit ordinatum et institutum, ac situatum, aprobamus, auctoritateque presencium confirmamus et sub nostram proteccionem fratres, in ipso loco residentes, acceptamus, sicut ceteros aliorum locorum conuentualium eiusdem ordinis gubernamus et conseruamus; volentes nichilominus, ut prior dicti loci sub regulari disciplina abbatis sancti Benedicti de iuxta Gron permaneat et cum ceteris fratribus, ibidem residentibus, obedienciam eidem exhibere