Strigomj in Octaua festiuitatis omnium sanctorum, Anno Domini Millesimo CCC°. Sexto decimo.
Fragmenta trium sigillorum e rubro, flavo, ac flavo et viridi serico pendent. Orig. pulchre exaratum in Arch. Cap. Poson. priv. Capsa J. fasc. 1. Nr. 1.
823.
1316. 8. Dec. - Joannes PP. XXII. Archiepiscopo Strigon. significat, se "fructus, redditus et prouentus primi anni omnium et singulorum beneficiorum ecclesiasticorum cum cura, vel sine cura, etiam personatuum et dignitatum et officiorum quorumlibet ecclesiarum, monasteriorum, prioratuum et aliorum locorum ecclesiasticorum, tam secularium, quam regularium, exemptorum et non exemptorum, que in civitate et diocesi, ac provincia Strigon. vacant ad presens, et que usque ad triennium qualitercumque et ubicumque, etiam si apud sedem apostolicam vacare contigerit, - - - pro nostris et ipsius ecclesie (Romane) oneribus facilius tolerandis et in eius agendorum subsidium - - auctoritate apostolica" deputasse, "ipsosque per collectores, quos - - duximus deputandos, - - colligi volumus. - - - Ceterum volumus, - - ut deputatio nostra huiusmodi nullatenus extendatur ad Archiepiscopales, et Episcopales ecclesias, nec ad abbatias regulares, nec ad beneficia illa, quorum fructus--annui valorem sex marcharum argenti non excedant et que ex permutationis causa vacare continget, nec etiam ad vicarias, seu capellanias.---Datum Avinione VI. Idus Decembris." P. a. 1.
Theiner Mon. I. 446. - Idem etiam in Colocensi provincia ordinatum.
824.
1316. 8. Dec. - Joannes PP. XXII. fructus primi anni vacantium beneficiorum in provincia Strigon. per Archiepiscopum Strigon. et Suffraganeos, ac magistrum Rufinum, Archidiaconum Tolnensem in ecclesia Quinqueecclesiensi, colligi et camerae suae assignari mandat. - Datum Avinione VI. Idus Decembris. P. a. I.
Theiner Mon. I. 448.

---