dictus Aprod quandam terram suam, in Wezeken antedicta existentem, videlicet ad unum aratrum sufficientem et insuper triginta Jugera continentem, que a dominico, filio kurol, quondam pro quadraginta pensis wyennensium (sic) fuerunt sibi pignori obligata, cum omnibus utilitatibus et pertinencijs suis comiti Bede antedicto similiter pro quadraginta pensis vyennensium, plene habitis et receptis ab eodem, a festo beati Michaelis Archangeli ad annualem reuolucionem eiusdem festiuitatis dixit et confessus est se pignori obligasse, tali modo, quod si predictus Johannes terram, seu possessionem suam antedictam redimere posset ab eodem Bede comite usque ad terminum prenotatum, bene quidem; alioquin ipsa reuolucione facta, Idem Johannes ipsam terram seu possessionem suam antedictam ab ipso Bede comite cum duplo redimere tenebitur. Preterea Deseu, filius Romani superius nominatus, huic impignoracioni seu obligacioni asseruit se in omnibus consensum prebuisse et in nullo eidem Johanni cognato suo obuiare uel interdicere curauit coram nobis. Datum in festo prenotato, Anno domini M°. C°C°C°. XVIII°.
E Nro. 876.
861.
1318. a. 22. Nov. - Strigoniensis et Colocensis Archiepiscopi et plures eorum Suffraganei Papae dolenter intimant, Castrum Jauriense cum aliis terris et rebus per Carolum Regem ab Episcopo Jauriensi ademptum et quibusdam nobilibus donatum esse.
E literis Joannis PP. XXII. 22. Nov. exaratis. Theiner Mon. I. 462.
862.
1318. 26. Nov. - Thomas Archiepiscopus Strigon. libertatem a Magistro Donch Comite de Zolyom civibus Rosenbergensibus concessam, "ad vberiorem rei evidentiam" sub sigillo suo authentico publicat. - Datum Budae in crastino festiuitatis Beatae Catharinae Virg. et Mart.
Fejér Cod. dipl. VIII. II. 167.
Első
