Vice-Cancellarius scribitur;[137] anno autem 1261. iam Praeposituram Cibiniensem obtinuit,[138] quam a. 1262. post 5. Dec., quo die adhuc Praepositus Cibiniensis vocatur[139], cum Praepositura Aradiensi commutavit[140] et a. 1263. út Praepositus Aradiensis Ecclesiae et Philippo Archiepiscopo Strigon. fidelitatem iuravit[141].
Officio Vice-Cancellarii interea continuo fungens, a. 1260. per Stephanum Regem ad assignandam Monasterio Montis Pannoniae "quandam insulam in Balatino existentem" deputatur[142]. A. 1262. 5. Dec. in Poroszló puncta concordiae inter Belam et Stephanum Reges cum eorum Cancellariis ordinat[143], anno autem 1263. 3. Maii de servandis his conditionibus cum reliquis Stephani Regis baronibus sub poena excommunicationis cavet[144]. Sed iam anno sequenti ad finem vergente, prout superius, de Nicolao agentes, iam attulimus, ad partes Belae Regis deflectens, officium Vice-Cancellarii Lodomerio, futuro in Archiepiscopatu Strigon. successori suo, cessit; ideoque in huius anni literis Stephani Regis iam Benedictus[145], iam Lodomerius[146] Vice-Cancellarius occurrit, sed quia literae Stephani iunioris Regis nota diei passim carent, tempus recessus Benedicti determinare non valemus.
A Bela Rege gratanter illum exceptum esse, docent eius literae a. 1265. 16. Apr. exaratae, quibus Simeoni et Synke, filiis Gabriani, servientibus "magistri Benedicti prepositi Orodiensis, dilecti et fidelis nostri," "maxime ad instanciam et peticionem eiusdem magistri B. prepositi Orodiensis," terram Fényes Jobagionis Castri Zaladiensis, decedentis sine haerede, contulit[147]. Hinc una apparet, Praeposituram Aradiensem illum etiam post recessum suum retinuisse, alio tamen officio a Bela Rege provisus fuisse non videtur. Occurrunt quidem in literis eiusdem Belae a. 1266. 30. Jun. exaratis "magister Poos et Benedictus frater eius notarii aulae nostrae,"[148] sed alter hic a nostro Benedictus esse debuit, nam noster, ut vidimus, fratrem, Pós vocatum, non

---

[137] Wenzel Cod. Arpad. II. 322. 324. - Cod. dipl. patr. VI. 107.

[138] Fejér Cod. dipl. IV. III. 51. 52. V. I. 163. - Wenzel 1. c. III. 5. 6. VIII. 7. 9. 10. 12. XI. 506.

[139] Mon. Strigon. I. 476.

[140] Fejér 1. c. VII. V. 338. - Wenzel 1. c. XI. 517.

[141] Fejér 1. c. IV. III. 164.

[142] Wenzel 1. c. II. 323.

[143] Mon. Strigon. I. 476.

[144] Ibid. 485.

[145] Fejér 1. c. IV. III. 203. 206. 208. V. I. 63. 206. - Wenzel 1. c. VIII. 95. 96. - Cod. dipl. patr. VI. 124.

[146] Wenzel 1. c. VIII. 98. - Cod. dipl. patr. VI. 125

[147] Cod. dipl. patr. VI. 131.

[148] Fejér 1. c. IV. III. 313.