Karolus, Dei gracia rex Hungarie, fidelibus suis capitulo ecclesie Jauriensis., salutem et graciam. Noveritis, quod honorabilis vir dominus Nicolaus, prepositus Posoniensis ecclesie, dilectus et fidelis noster capellanus, dicit nobis, quod quedam terra, Ablench vocata, ad sex aratra sufficiens, vicina et contigua possessioni ipsius ecclesie Posoniensis Zelynch, vocata, in comitatu Posoniensi existentis, de iure ad ecclesiam suam Posoniensem pertineret. Unde fidelitati vestre mandantes precipimus, quatenus vestrum mittatis hominem, pro testimonio fide dignum, coram quo Petrus de Gurgetegh, vel Georgius filius Salamonis, altero absente homo noster, accedat ad faciem predicte terre, et convocatis vicinis et commetaneis eiusdem, per veteres metas et antiquas reambulet eandem, novas iuxta veteres metas erigendo, statuatque ipsi domino preposito vel homini eiusdem, aut procuratori, et per eundem, vel procuratorem suum, predicte ecclesie Posoniensi, prout sua fore dignosscitur, perpetuo possidendam, si non fuerit contradictum; contradictores vero, si qui fuerint, contra eundem dominum prepositum, ad nostram citet presenciam, ad terminum competentem; et post hec, diem citacionis, terminum asignatum cum nominibus citatorum, cursibus metarum et tocius facti seriem nobis fideliter rescribatis. Datum, in Vysegrad, in octavis Penthecostes,[90] anno Domini M-o CCC-o XX-o quinto.
Nos vero vestre serenitatis mandatis obtemperare cupientes, ut tenemur, cum Georgio, filio Salamonis de Chulchtu, homine vestro, discretum virum Ladizlaum, plebanum de Owar, hominem nostrum, ad premissa exequenda duximus destinandum. Qui demum ad nos reversi, nobis concorditer retulerunt, quod ipsi, omnibus vicinis et commetaneis dicte terre Ablench simul convocatis, terram ipsam reambulassent, per veteres metas et antiquas, et nullo contradictore existente, eam cum omnibus utilitatibus et pertinenciis suis, ecclesie Posoniensi et eius preposito et capitulo statuissent, sub antiquis metis et terminis, possidendam. Datum, in octavis s. Laurencii martiris,[91] anno Domini M-o CCC-o XX-o sexto.
Nos itaque ex huiusmodi tenoribus evidentissimis, prescriptorum privilegiorum, pariter et litterarum dicti capituli Jauriensis, nobis rescriptarum, super eo, quod dicta possessio ipsius Woch, perpetuo iure et iuste fuerit, eamque predicti sui successores, predicte ecclesie Posoniensis preposito, et eapitulo eius predictis, rite ac legitime vendere et donare potuerunt, eo quod iuxta ipsam donacionem, vendicionem et empcionem ipsa possessio, mediante approbata et ab antiquo observata regni nostri consvetudine, reambulata, dicte ecclesie Posoniensi, preposito et capitulo eius legitime sit statuta, plenius informati et lucide certificati, prescripta privilegia, in nulla sui parte viciata, de verbo ad verbum presentibus inserta, pariter donacionem, vendicionem et empcionem, ac statucionem prefate possessionis in eis contentam, ipsi ecclesie Posoniensi, preposito et capitulo eius factam, acceptamus, ratificamus, approbamus, eandemque possessionem Ablench nominatam, cum omni sui iuris plenitudine, sub metis supra scriptis, dicte empcionis et donacionis, per nos approbate, perempni titulo prefate ecclesie Posoniensi, preposito et capitulo eius perpetuo et irrevocabiliter possidere, tenere et habere, presentis privilegii nostri patrocinio, de consilio prelatorum et baronum regni nostri, ex certa sciencia confirmamus. In cuius rei memoriam, perpetuamque firmitatem, presentes concessimus litteras, dupplicis sigilli nostri, novi et autentici munimine roboratas. Datum, per manus

---

[90] 1325. 2. Jun.

[91] 1326. 17. Aug.