Paulus et fratres sui a debita obediencia et serviciis, que ipsi prefato domino fratri Ladisslao abbati et suo monasterio exhibere tenebantur se extraxissent indebite et alienassent, unde gravis questio et litis materia inter ipsos dominum abbatem ab una et predictum Paulum et fratres suos (emansit: ab altera) coram comite Borsiensi, exorta extitisset; in pluribusque iudiciis et gravaminibus idem Paulus et fratres sui, contra eundem Ladisslaum abbatem et suum conventum convicti extitissent, ipseque abbas certis litteris et documentis comprobasset, quod progenitores eiusdem Pauli et fratrum suorum, in dicta possesione Walkoch, eorundem domini abbatis et conventus, non magis quam unam curiam integram, cum pertinenciis suis, ex colacione et donacione antecessorum abbatum habuissent et ipsi modo habere et possidere deberent. Unde idem dominus frater Ladisslaus abbas, vice et nomine sui conventus, eandem curiam cum pertinenciis suis, memorato Paulo et fratribus suis, pro eorum serviciis in perpetuum tenendam, possidendam dedit et contulit; ita tamen, ut debitam obedienciam et servicia, tamquam alii prediales, ipsi abbati et suo monasterio exhibere debeant, ipsamque possessionem Walkoch eorundem domini abbatis et conventus, nunc pro parte habitatoribus destitutam, populis iobagionibus locare et decorare ad honorem ipsius monasterii debeant, sub libertate decem annorum a data presencium futurorum. Elapsis vero ipsis decem annis, idem Paulus aut heredes sui, pro usufructu et utilitate eiusdem possessionis, singulis annis, semper in festivitate beati Michaelis archangeli[99], sine crastinacione duodecem pensas denariorum latorum Vienensium, ipso abbati et suo monasterio, dare et solvere debeant et teneantur. Pro expensis vero per ipsum abbatem litis in processu factas, iudiciis ac gravaminibus, in quibus memoratus Paulus et fratres sui, contra eundem Ladisslaum abbatem aggravati fuissent et essent, duodecem marcas denariorum in duobus terminis infrascriptis: videlicet sex marcas octavo die beati Georgii[100], martiris et reliquas sex marcas octavo die Omnium Sanctorum, proxime post se venturo, sub pena dupli, si aliquem terminorum premissorum obmitterent in solvendo, prelibato domino Ladisslao abbati[101], similiter dare et solvere sint astricti. Atque premissa omnia prefatus Paulus sua, ac fratrum suorum in personis, virtute procuratorie prenotate, stricte obligavit coram nobis. Assumens eciam idem Paulus metam et terminos infrascriptos eiusdem possessionis Valkoch vocata defendere et custodire iuxta suum posse. Terminaret autem ipsa possessio, cum pertinenciis suis hoc ordine: primo a parte meridionali in quadam via publica curili vadens de villa Soway versus villam Wezekyn, usque ad aliam viam Chakyut vocata, de villa Nempchen, versus possessionem Kelechen vocata tendentem, que via Chakyut separet ab aliis usque rivulum, de dicta possessione Walkoch fluentem, et abhinc ipse rivulus divideret ab aliis per modicum spacium ascendendo, usque unam metam terream, penes ipsum rivulum a parte aquilonari habita; deinde ad eandem plagam in valle, que vallis sequestraret ab aliis circufendo et vergendo, quasi ad plagam septemtrionis, ad unam metam terream penes quandam viam habitam, et de ipsa meta ad eandem plagam septemtrionis directe tendendo terminaret ad unam magnam metam terream antiquam, que meta in aliis literis privilegialibus metalibus condam Gyesse regis conscripta, haberetur. Datum, die dominico Reminiscere, anno Domini M-o CCC-o yicesimo septimo.

[99] 29. Sept.

[100] 1. Maii.

[101] 8. Nov.