patrocinio confirmamus. In cuius confirmacionis memoriam, perpetuamque firmitatem, presentes concessimus litteras nostras privilegiales, novi et autentici sigilli nostri dupplicis munimine roboratas. Datum, per manus, discreti viri magistri Andre,[104] Albensis ecclesie prepositi, aule nostre vicecancellarii, dilecti et fidelis nostri, anno Domini Millesimo trecentesimo vicesimo septimo, quarto Nonas Aprilis, regni autem nostri anno similiter XX-mo septimo. Venerabilibus in Christo patribus dominis: Bolezlao Strigoniensi et fratre Ladizlao Colocensi archiepiscopis; Johanne Nytriensi, Georgio Syrmiensi, fratre Petro Boznensi, Iwanka Waradiensi, Benedicto Chanadiensi, Ladislao Quinqueecclesiensi, Herrico Wezprimiensi, Nicolao Jauriensi, Chanadino Agriensi et Andrea Transiluano episcopis, ecclesias Dei feliciter gubernantibus. Magnificis viris Philippo palatino, comite de Scepes et de Wywar; Demetrio magistro tawarnicorum nostrorum, comite Bachiensi et Trinchiniensi; Mykch bano tocius Sclauonie; comite Alexandro iudice curie nostre; Thoma woywoda Transiluano et comite de Zonuk; Paulo bano de Machou, comite Syrmiensi, de Wolkou et de Budrugh; Johanne magistro tawarnicorum et Deseu iudice curie domine regine, consortis nostre karissime; Stephano magistro agasonum; Dyonisio magistro dapiferorum et Nicolao comite Posoniensi, aliisque quam pluribus, regni nostri comitatus tenentibus et honores.
Sigillum e roseo et flavo serico pendebat. – Orig. membran., in Arch. Cap. Poson. Priv. Capsa C. fasc. 6. nr. 70.

170.
1327. Avignon. 27. Apr. – Joannes PP. XXII., detentores bonorum ecclesiae Posoniensis, per abbatem Montis Pannoniae, ad restitutionem stringi jubet.
Seriem vide sub nr. 178.

171.
1327. Visegrád. 1. Maii. (?) – Alexander, iudex curiae regiae, ad preces capituli Strigon., ob cautelam, transscribit privilegiales Andreae III. regis, in causa super possesione Felvincz agitata, per Siculos de Aranyas productas.
Nos comes Alexander, iudex curie excellentissimi principis domini Karoli, Dei gracia regis Hungarie, notum fieri volumus universis, quibus expedit, presencium per tenorem: quod currentibus annis Domini M-o CCC-o XX-o septimo, in octavis beati Georgii martiris,[105] mota inter capitulum Strigoniense ex una parte, et Siculos de Kyzd ex altera, super possessione Felwinch vocata, in partibus Transiluanis sita, coram nobis in figura iudicii questione, productisque hinc inde a partibus instrumentis, reprobatisque iudicialiter dictorum Syculorum instrumentis, sentencia eciam pro dicto capitulo contra ipsos Siculos promulgata omni iuris ordine observato. Ex parte dicti capituli, ad cautelam futurorum, extitit nobis humiliter supplicatum, ut tenores litterarum, per dictos Syculos contra ipsum capitulum productarum, sub nostro sigillo transumi auctoritate iudiciaria faceremus, ne successu temporum queant in fraudem et in dicti capituli preiudicium quomodolibet immutari. Quarum quidem litterarum, per dictos Syculos contra dictum capitulum, super vendicacione dicte possessionis Felwinch productarum tenor is est:

[104] 1327. 2. Apr.

[105] 1327. máj. 1.