Sequitur transsumpt. capit. Transylv. a. 1320. 24. Mart.[106] concessum T. II. 773. nr. 884 ex hoc ipso trans., privilegium Andreae III. regis de a. 1291 in se contin.[107], et T. II. p. 280. nr. 277. commun.
Nos itaque, iustas et legittimas, ac racioni fore consonas dicti capituli peticiones censentes, cum non sit maliciis hominum indulgendum, sed eorum fraudibus pocius obviandum, ad instanciam dicti Strigoniensis capituli, suprascriptum tenorem dictarum littararum, per dictos Syculos, ut predicitur, productarum, de verbo ad verbum transcribi et presentibus inseri, ac auctoritate nostra iudiciaria in formam publicam futurorum redigi fecimus ob cautelam. In cuius rei testimonium, presentes eisdem concessimus litteras, sigilli nostri munimine roboratas. Datum in Vyssegrad.
Sigillum detritum e viridi et flavo pendet serico. – Orig. membran. in Arch. Cap. Strigon. Priv. Lad. 66. fasc. 1. nr. 6.

172.
1327. Visegrád. 4. Junii. – Alexander, iudex curie regie, possessionem Felvincz, in Transylvania sitam, capitulo Strigoniensi adjudicat et statui jubet.
[N]os comes Alexander, iudex curie serenissimi principis domini Karoli incliti regis Hungarie, memorie commendantes significamus, quibus expedit, presencium per tenorem universis: quod cum anno Incarnacionis Dominice M-o CCC-o vigesimo[108], Gregorius, filius Petri de Gyogh, homo domini nostri regis, sub testimonio honorabilis capituli ecclesie Transsiluane, Siculos de Kyzd, iuxta Aranas existentes, contra honorabile capitulum sancte Strigoniensis ecclesie legitime citacionis processu observato, ad regie maiestatis presenciam citasset specialem; causaque ipsarum parcium iuxta continenciam litterarum magnifici viri magistri Lamperti, bone memorie predecessoris iudicis curie regie, edicto regio interveniente, ad octavum diem accessus domini nostri regis ad partes Transsiluanas in Albam fuisset prorogata. Demum itaque, dum idem dominus noster rex, pro rebellionibus et ausibus temerariis quorumdam, qui iugo debiti obsequii deposito, cornu sue infidelitatis contra dominum suum naturalem elevare inprobe nitebantur, reconpesscendis et conterendis, anno Domini M-o CCC-o XX-o quarto accedens, memorato magistro Lamperto stadium huius vite ibidem in partibus Transsiluanis feliciter finiente, nobili ac magnifico viro domino Thoma woyuode Transsiluano, comiti de Zonuk et de Cybinio, prout in litteris eiusdem domini nostri regis plenius continetur, iudicandum commisisset. Idemque Siculi, in termino ad partes Transsiluanas ambabus partibus assignato., ad presenciam ipsius domini woyuode, ipsis pro iudice a domino rege tunc deputati, legitimis procuratoribus eiusdem capituli Strigoniensis coram eodem woyuoda legitime comparentibus et expectantibus, nec venissent nec misissent; iidemque legitimi procuratores capituli antedicti, ex commissione eiusdem domini woyuode, ad legitimum terminum eosdem Siculos, observato debito modo citacionis, ad presenciam sepedicti woyuode, ut in litteris suis uberius vidimus, evocassent. Tandemque idem dominus noster rex, ipsam causam ad suam specialem presenciam, ut caucius iudicium fieri posset inter partes, iterato resumens: de voluntate parcium earundem, ad octavas festivitatis beati Georgii martiris[109], tunc proxime subsequentes; ipsis autem octavis beati Georgii advenientibus, de legitimorum procuratorum earumdem parcium

[106] 1320. 24. Maii.

[107] 1290. 12. Mart.

[108] 1320

[109] 1324. 1. Maii.