parcium beneplacito, ad octavas tercie revolucionis annualis eiusdem festi beati Georgii ad finalem decisionem et expedicionem, sine ulteriori dilacione partibus faciendam, fuisset prorogata. Igitur occurrentibus ipsis octavis tercie revolucionis annualis,[110] videlicet anno Domini M-o CCC-o XX-o septimo, discretis viris dominis Theophilo preposito et magistro Johanne archidiacono Huntensi, procuratoribus memorati capituli, pro eodem sancte Strigoniensis ecclesie capitulo ab una parte; item Jacobo Rufo et Petro filio Jacobi, similiter procuratoribus dictorum Siculorum, cum causalibus litteris eorumdem Siculorum, pro ipsis Siculis de Kyzd ex altera, ex regia speciali permissione coram nobis, nec non coram quibusdam prelatis barronibus ac nobilibus regni, ad id de speciali mandato regio deputatis, comparentibus et constitutis, iidem prepositus et Johannes archidiaconus, vice et nomine eiusdem Strigoniensis ecclesie capituli, quedam privilegia seu instrumenta illustris principis domini Ladizlai, inclite memorie quondam regis Hungarie, privilegiales litteras serenissimi principis domini Andree regis, felicis recordacionis, regni Hungariae rem publicam feliciter quondam gubernantis, anno Dominice Incarnacionis M-o CC-o XIX confectas confirmancia,[111] nobis presentarunt et in medium produxerunt. In quibus, quod prelibatus dominus Andreas rex, quandam terram, Oronaswynch vocatam in partibus Transsiluanis, sub metis et terminis quibusdam, cum utilitatibus ac aliis pertinenciis, ut ibidem expressius habetur, pro quibusdam specialibus fidelitatibus domini Johannis quondam archiepiscopi, eiusdem Strigoniensis ecclesie et sui capituli, canonicis de eodem capitulo perpetuo contulerit possidendam; et quod Neuke, tunc woyuoda Transsiluanus, ex mandato regie maiestatis, convocatis universis quos oportuit interesse, in possessionem et dominium eiusdem terre et suarum utilitatum, sub metis et terminis, ut ibidem clarius continetur, ab aliis terminis aliorum ipsam distinguens introduxerit, nemine penitus contradictore apparente, compertum extitit evidenter. In quorum contrarium, supradicti Jacobus et Petrus, suo et eorumdem Siculorum nomine, formam seu transscriptum quarumdam litterarum privilegialium Andree regis, quedam privilegialia instrumenta supradicti domini Ladizlai regis anno Domini M CC nonagesimo primo emanata confirmancium,[112] sub sigillo honorabilis capituli ecclesie Transsiluane nobis exhibuerunt, in quibus comperimus contineri: quod idem Andreas rex, pro multifariis fidelitatibus et serviciorum meritis, sicut ibidem prolixius est insertum, ipsam terram Fulwynch inter certas terras ipsis Siculis, sine preiudicio tamen iuris alieni, ut ibidem habetur, contulisset perempniter tenendam et habendam. Verum tamen, quod aliquis homo regius, legitimo processu observato, ipsam terram dictis Siculis statuisset, et quod idem dominus rex Andreas, auferendo eandem terram a capitulo Strigoniensi memorato, ipsis Siculis contulisset, non reperiebatur in litteris eorumden. Nos igitur, una cum venerabilibus patribus dominis fratre Ladizlao, Dei et apostolica gracia Colocensi archiepiscopo, aule regie cancellario, Nicolao Yauriensi et Andrea Transsiluano ecclesiarum episcopis; item honorabilibus viris magistro Andrea Albensis aule regie vicecancellario, Johanne Wesprimiensis, Nicolao Transsiluane, Andrea Badensis et Stephano Qainqueecclesiensis ecclesiarum prepositis; preterea magnificis viris Philipo palatino, comite Scepesiensi et de Wyuar, ac iudice Comanorum; Demetrio magistro thawarnicorum domini nostri regis; Thoma woyuoda Transsiluano comite de Zonuk et

[110] 1327. 3. Maii.

[111] 1219.

[112] 1291.