Privilegiales ac adiudiciales has Alexandri iud. curie Caroli I. regis, ad preces Theophili prepositi et Ladizlai lectoris, canonicorum capit. Strigon., transsumit eodem anno 17. Junii., Jacobus magister et conventus Crucif. de Strigon. – Orig. membr., in Arch. Capit. Strig. Priv. Lad. 66. fasc. 1. nr. 4.

173.
1327. Visegrád. 12. Jun. – Carolus I. rex, conventui Cruciferorum de Strigonio mandat, ut Boleslao archiepiscopo possessionem Borch, in comitatu Barsiensi existentem, statuat.
Edid. Cod. Dipl. Com. Zichy T. I. p. 299.

174.
1327. (Pozsony.) Post 24. Jun. – Capitulum Poson., privilegiales magistratus Poson., possessionem Vök, Michaeli filio Gregorii de eadem, ceu haereditariam, remittentes, transsumit et seriem facti attestatur.
Nos capitulum ecclesie Posoniensis, significamus quibus expedit presencium per tenorem universis: quod accedens ad nostram presenciam Michael filius Gregorii de Wylk, exhuit (sic!) nobis litteras nobilis viri magistri Petri dicti Orrus, vicecomitis Posoniensis, in quibus requirebat nos diligenter, quod nos litteras privilegiales, cum sigillo suo et sigillis quatuor iudicum ipsi Michaeli datas et concessas, nostris litteris transscribi faceremus tuciorem ad cautelam; quarum tenor per omnia talis est:
Nos magister Petrus, vicecomes Posoniensis et quator iudices nobilium de eodem, significamus tenore presencium, quibus expedit universis, quod nos recepimus litteras regias, anulari sigillo consignatas, hunc tenorem continentes:
Karolus, Dei gracia rex Hungarie, fidelibus suis magistro Nicolao, comiti Posoniensi, vel vices suas gerenti, et quatuor iudicibus nobilium de eodem, salutem et graciam. Fidelitati vestre firmiter precipiendo damus pro (sic!) in mandatis, quatenus apud quemcunque vel quoscunque possessiones, hominum sine herede decedencium, indebite per quempiam occupatas et detentas in predicto comitatu, vel (sic!) invenire poteritis, reimpedire et reambulare faciatis, iuris ordine observato.
Nos ergo preceptis regie maiestatis obedire volentes, ut tenemur, quandam possessionem Vylk vocatam, in Chollokuz existentem, sitam iuxta possessionem discreti viri magistri Nicolai prepositi Posoniensis a parte occidentali, et possessionem Pamse iudicis nobilium a parte orientali, occupatam per Michaelem et Petrum, filios Gregorii et detentam usque modo, fecimus reambulare et recaptivare et predictos nobiles nostro iudicio astrare (sic!) coartantes. Sed quia idem Mychael et Petrus, in figura nostri iudicii coram nobis, cum nobilibus et ignobilibus eiusdem comitatus et commetaneis et vicinis hoc comprobarunt, ut ipsa possessio Wylk ipsorum sit hereditaria, avus et pater, ac antecessores ipsorum pacifice dinoscantur possidere et quiete, ob hoc nos possessionem predictam eisdem reddidimus possidendam. In cuius rei memoriam presentes concessimus litteras nostras patentes, sigillorum nostrorum presencium munimine roboratas. Datum Posonii, in festo beati Johannis Baptiste[113], anno Domini M-o CCC-o XX-mo septimo.
Nos vero peticionibus eiusdem magistri Petri vicecomitis annuentes, et

[113] 1327. 24. Jun.