maxime nos eundem Michaelem nobilem, vicinum possessionis ecclesie nostre, ab olim cuius memoria non constat, certo cercius cognoscentes, dictas litteras de verbo ad verbum presentibus transscribi sigillique, munimine consignari facientes.
Conclusio incompleta mansit. – Fragmen sigilli e rubro et flarvo serico pendet. – Orig. membran., in Arch. Cap. Poson. Publ. Capsa 14. fasc. 20. nr. 10.

175.
1327. (Győr.) 29. Jun. – Capitulum Jaurinense, ad preces Wilhelmi prioris sacri montis Pannon. transscribit privilegiales Boleslai archiepiscopi, anno 1325 super immunitate possessionis Dienesd emanatas.
Ed. Cod. Andegav. T. II. p. 308. – Cf. sup. nr. 88.

176.
1327. (Nyitra.) 1. Julii. – Capitulum Nitriense, filios Emerici de Bossány, possessionem Ozna, filiis Zoncsuk, vendidisse perhibet.
Capitulum ecclesie Nitriensis, omnibus Christi fidelibus, presentes litteras inspecturis, salutem in largitore salutis. Ad universorum igitur noticiam, harum serie, volumus pervenire, quod Janka, filius Emerici de Wosyan, Stephanus, Nicolaus, Jacobus et Peteu, filii sui; item Baka, frater eiusdem, ab una parte; Rubinus, Nicolaus, Johannes et Dyonisius, filii Zonchuk ex altera, coram nobis personaliter constituti; dicti Janka et filii sui, ac Baka frater eiusdem, quandam particulam terre sue Ozna vocate, iuxta fluvium Sytua, in comitatu Borsiensi, circa possessionem dictorum filiorum Zonchuk, Ebedych vocatam, adiacentem, cum universis suis utilitatibus, terris arabilibus, silvis, pratis, nemoribus et aliis quocunque nomine censeantur, et cum privilegio domini regis Bele, quondam inclite recordacionis, cuius vigore et quibus mediantibus iidem usque modo possederunt, predictis Rubino, Nicolao, Johannes (sic!) et Dyonisio, ac per eos suis heredibus, heredumque suorum successoribus, pro decem et octo marcis denariorum, plene in nostri presencia receptorum ab eisdem, vendiderunt, dederunt et tradiderunt, iure perpetuo pacifice et irrevocabiliter possidendam, tenendam semper et habendam; omni iure, omnique proprietati et dominio renunciantes, quod vel quam in ipsa particula terre Ozna habere noscebantur; assumpmentesque predictos Rubinum, Nicolaum, Johannes (sic!) et Dyonisium, filios Zonchuk, et heredes ipsorum expedire ab omnibus hominibus in futurum, racione dicte terre molestare seu inpetere volentibus, propriis laboribus et expensis. In cuius rei testimonium et perpetuam firmitatem, presentes concessimus litteras, sigilli nostri autentici munimine roboratas, et per medium alphabeti intercysas. Datum, in octavis festi beati Johannis Baptiste, anno Domini millesimo trecenthesimo vigesimo septimo, magistro Stephano lectore ecclesie nostre existente.
A. B. C.
Sigillum ex albo serico pendet. – Orig. membr., in Arch. Cap. Strig. Publ. Caps. 1. fasc. 3. nr. 2.