memorate. In quorum contrarium prenominatus magister Nicolaus prepositus, ac magistri Thomas custos et Martinus canonici ecclesie Posoniensis, cum legitimis procuratoriis litteris dicti capituli, exsurgendo responderunt proponentes: quod predictam possessionem, Twrnye nominatam, Johannes, filius Petri filii Chukar, nobilis iobagio castri Posoniensis, ex regali collacione ab antiquo possessam et ad ipsum Johannem tantum pertinentem, ob remedium anime sue et animarum parentum suorum, antedicte ecclesie Posoniensi perpetuo possidendam contulisset et donasset, nemine contradictore existente. In cuius possessionis dominium patres et proximi alii dictorum Andree et Johannis, contra iusticiam de facto propria voluntate introissent, ecclesiam ipsam Posoniensem de possessione et usu prefate possessionis eicendo, et nunc cum ipsis Johanne et Johanne, filiis Nicolai, ac Thoma filio Lypoldy et Iwanka, fratre dicti Andree, commorarentur in possessione supradicta. Et ad suorum verborum propositorum evidentem probacionem, litteras privilegiales quondam domini regis Andree et domini nostri regis Karoli, cum antiquo et novo sigillo suo munitas; ac capitulorum ecclesiarum Strigoniensis et Jauriensis, tenorem eciam litterarum dicti Johanis filii Petri, inter cetera continentes; ac litteras magistri cruciferorum sancti regis Stephani de Strigonio nobis presentarunt. In quorum tenoribus ipsam possessionem Twrnye vocatam ad ipsum solum Johannem pertinere, et pro remedio anime sue, ac animarum parentum et proximorum suorum, anno Domini M-o CC-o nonagesimo primo[122], per ipsum Johannem filium Petri, sub antiquis metis et terminis, quibus antiquitus extiterat limitata et per suos parentes habita et possessa, predicte ecclesie Posoniensi comperimus perpetuo collata fuisse et ipsam collacionem per dictum dominum Andream regem, ac per prefatum dominum nostrum Karolum regem illustrem, ex certa sua sciencia, confirmatam et perpetuatam extitisse. In cuius possessionis temeraria occupacione, dicti Nicolaus prepositus, Thomas custos et Martinus procuratores predicti, multiplices inquisiciones, prohibiciones et protestaciones, ipsum capitulum et se, contra iam dictos Andream et Johannem, ac proximos ipsorum predictos, exhibicione litterrarum dictorum capituli Strigoniensis et Jauriensis, ac cruciferorum sancti regis Stephani de Strigonio fecisse comprobabant. Et hys omnibus peractis, ad ultimum alias litteras capituli Jauriensis patentes, predicti Nicolaus prepositus, Thomas custos et Martinus procuratores prefati, in oppositum eorumdem Andree et Johannis et proximum (sic!) ipsorum antedictorum, eorumdemque generacionum, ibidem in momento post exhibicionem litterarum regalium et capitulorum memoratorum demonstrarunt, in quibus palam reperimus contineri, quod cum inter prepositum et capitulum ecclesie Posoniensis ab una parte; Nicolaum filium Iwanka de Nek, patrem ipsius Andree, Petrum Rufum, Lipoldum filios Dominici, patrem prefati Thome, Chama de Paka patrem ipsius Johannis, et Nicolaum dictum Bwd, patrem dictorum Johannis et Johannis ab altera, super predicta possessione Twrnye, et alio nomine Chukarfolua vocata., altercaciones et verba mota fuissent et processissent, tandem secundo die festivitatis Corporis Christi, anno eiusdem M-o CC-o nonagesimo secundo[123], predicti Nicolaus filius Iwanka, Petrus Rufus, Lepoldus, Chama et Nicolaus dictus Bud, patres eorumdem Andree, Johannis, Iwanka, Thome, Johannis et Johannis, in presenciam dicti capituli Jauriensis accedendo, confessi extitissent: quod licet inter ipsos et prepositum ac capitulum ecclesie Posoniensis,

---

[122] 1291.

[123] 1292. 6. Jun.