Posoniensi; Johanne rectore castri Budensis et comite Musuniensi et aliis multis nobilibus secularibus et ecclesiasticis personis et nominatis, nobiscum tunc pro tribunali consedentibus, iam dictis preposito et capitulo Posoniensi, sentencionaliter adiudicavimus, cum omni iure proprietatis et possessionis, perpetuo possidendam, tenendam pariter et habendam; a modo et deinceps ipsis Andree, Iwanka, Johanni, Thome, Johanni et Johanni, ac ipsorum proximis generacionibus et heredibus eorumdem, de dicta possessione perpetue taciturnitatis silencium duximus imponendum. Universas autem litteras ipsorum, si que (sic!) in facto dicte possessionis habuissent et quoquo modo habere procurassent et tacita calliditate in fraudem ipsorum prepositi et capituli reservando exhibere non curassent, una (sic!) cassa, frivola et irrita, ac ubicunque, quandocunque et in quorumcunque iudicum presencia exhiberentur, viribus commisimus caritura et vigore; et insuper talium instrumentorum exhibitores, simul cum calumpniatoribus importunis volumus percipere porcionem. Verum, quia predicti Andreas, Iwanka, Johannes, Thomas, Johannes et Johannes, qui alios eorum proximos et generaciones iuxta nostrum mandatum iudiciarium vocari et proclamari facere, mediantibus litteris nostris ad capitulum Nitriense directis, ut assumpserunt, non curarunt, ac plures de eorum generacione superstites non esse asseruerunt in iudicio; sed sponte pro omnibus ipsorum generacionibus, si qui forte ex ipsis generacionibus fuissent et essent absentes, et hunc presentem nostrum iudicium et sentenciam ac alios priores processus iudiciarios ignorantes, stare in iudicio, respondere, ac sentenciam iudiciariam audire et recipere, contra dictos prepositum et capitulum se optulerunt, accionem ipsis eorum generacionibus absentibus, si qui forte forent, contra eosdem non autem contra prepositum et capitulum Posoniensis ecclesie intelligi volumus, quoad omnia dictorum absencium dampna reservatam. In cuius rei memoriam, perpetuamque firmitatem, ne causa tam debito fine terminata oblivionis scrupulo novercante, calumpniancium importunitate, per quempiam valeat in irritum revocari, aut aliquatenus retractari, super premissis predictis preposito et capitulo, nostras concessimus litteras privilegiales, pendentis sigilli nostri munimine roboratas. Datum in Vysegrad, in festo Conversionis sancti Pauli apostoli, anno Domini Millesimo trecentesimo vicesimo octavo.
Sigillum e rubro et viridi serico pendebat. – Orig. membr., in Arch. Cap. Poson. Priv. Capsa C. fasc. 4. nr. 41. – Transscript. Ludovici I. regis de a. 1357. 18. Januarii, ibidem sub nr. 42.

185.
1328, (Pozsony.) 2. Febr. – Capitulum Posoniense, Jacobum nobilem archiepiscopalem de Bács, quartam partem possessionis suae, comiti Joanni de Sul, tribus marcis denariorum vendidisse testatur.
A. B. C.
Universis Christi fidelibus, presentes litteras inspecturis, capitulum ecclesie Posoniensis, salutem in salutis largitore. Ad universorum noticiam, tam presencium quam futurorum, harum serie volumus pervenire: quod constitutus personaliter coram nobis Jacobus filius Thome, nobilis iobagio sancte Strigoniensis ecclesie de villa Boch ab una parte, item comes Johannes de Sul, castellanus de

---