Sancto Georgio ab altera; idem Jacobus est confessus oraculo vive vocis: quod ipse quartam partem tocius porcionis possessionis sue hereditare, excepta seu exclusa quarta parte curie sue, pro qua scilicet quarta parte ipsius curie sue, in alio loco, dimidium iuger terre arabilis dedit et assignavit, que quidem quarta pars dicte porcionis possessionis sue, adiuncto dimidio iugere pretacto, septem iugera terrarum arabilium perficiunt, prout per eosdem fuimus edocti, taliter situantur: videlicet unum iuger retro curiam eiusdem Jacobi; item secundum iuger inter terras Buzias nuncupatas; item tercium iuger inter terras Buded appellatas; item quintum iuger iuxta metas ville Samut; item sextum iuger inter terras Kakastow nuncupatas; et septimum iuger penes terras eiusdem comitis Johannis, cum utilitatibus et pertinenciis suis universis, pro tribus marcis denariorum Wyennensium, quamlibet marcam cum singulis decem pensis computando, plene habitis et receptis, cum permissione proximorum ac vicinorum suo (sic!) Budur scilicet filio Budo, qui pro se, et pro Nicolao filio suo, ac Petro fratre suo comparuit, item Johanne filio Andree, qui similiter pro se et pro Andrea filio suo comparuit, vendidisset, dedisset et tradidisset, ymo vendidit, dedit et tradidit, iure perpetuo et irrevocabiliter possidendam, habendam et tenendam; obligando se, quod quicunque processu temporum, eundem comitem Johannem, aut suos heredes, heredumque suorum successores, occasione dicte quarte porcionis possessionis supradicte, vellent forsitan molestare, extunc idem Jacobus, cum suis successoribus, teneretur expedire propriis laboribus et expensis. In cuius rei testimonium, ad instancias parcium, presentes concessimus litteras sigilli nostri munimine roboratas. Datum, in festo beate Purificacionis Virginis Gloriose, anno Domini M-o CCC-o XX-o VIII-o.
Sigillum e flavo et rubro serico pendebat. – Orig. membr., in Arch. Cap. Poson. Publ. Capsa 14. fasc. 2. nr. 19. – Aliud par lacerum, cum sigillo sat integro ibidem nr. 18. – In enumeratione quartum iuger desideratur.
186.
1328. Visegrád. 2. Febr. – Theophilus prepositus se, apostolicum mandatum Joannis PP. XXII. recepisse, et sensu illius, monialium de Insula Danubii iura tuendum esse, promisit.
Theophilus, sancte Strigoniensis ecclesie prepositus, universis Christi fidelibus, ad quos presentes perveniunt, salutem in Domino sempiternam. Noveritis nos tercio die Septuagesime,[124] anno Domini M CCC XXVIII, sanctissimi patris et domini, domini Johannis, divina providencia sacrosancte Romane ecclesie sumpmi pontificis, pape XXII., domini nostri, anno pontificatus sui XI., in Wisegrad, presentibus multis religiosis, secularibus clericis et laycis fidelibus, litteras, rescriptum seu mandatum, omni reverencia qua decebat, de manibus religiosi viri fratris Mathie, nuncii ipsius domini sumpmi pontificis, de ordine fratrum predicatorum, vice et nomine ipsius ordinis et religiosarum dominarum de Insula Leporum, prope Budam, nobis exibentis recepisse. Quarum tenor talis est:
Johannes episcopus servus servorum Dei, dilecto filio . . preposito ecclesie Strigoniensis, salutem et apostolicam benediccionem. Significaverunt nobis dilecte in Christo filie . . priorissa et conventus monasterii Sancte Marie de insula Danubii, per priorissam soliti gubernari, ordinis sancti Augustini, secundum
[124] 1328. 2. Febr.
Első
